Ўзбекистон: Ёлғон гапиришга қарши чиққан журналист "Ўзбекистон 24" босими остида
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
"Ўзбекистон 24" каналидаги "ёлғон ва енгил-елпи" хабарларни танқид қилган айни канал мухбири Мавжуда Мирзаева ўз раҳбарияти босимига учраганини билдирди.
Мирзаева ўтган йил ноябрида Ўзбекистон тележурналистикасининг қолоқлиги, ўз каналидаги цензура, ҳамда ёлғон хабарлар тарқатилиши ҳақида Кун.уз сайтига интервью берганди. У ўз танқидларини бу йил АзонТВ каналида ҳам қайтарган.
Халқни алдашдан виждони қийналаётгани ва ҳақиқий муаммоларни кўтариб чиқишда тўсиқларга дуч келаётганини айтган журналист бугунга келиб ўз раҳбарияти томонидан изза қилинган.
Фейсбук саҳифасида ёзишича, чоршанба куни бўлиб ўтган мажлисда "Ўзбекистон 24" канали директори Мамадамин Сафаров у канал обрўйини тўккани ва бўҳтон тарқатгани учун судга берилиши ва ишдан олинишини коллектив орасида овозга қўйган.
BBC Uzbek канал директори Мадамин Сафаров билан айни масалада боғланди.
Саволни эшитган директор телефонни ўчириб қўйди.
Биз бу масалада барча томонларнинг фикр-мулоҳазалари учун очиқмиз.
Видео кадрлар АзонТВ каналидан олинди. Суратлар муаллифи: Кун.уз ва Мавжуда Мирзаева.
BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
