 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
انگلینڈ عالمی کرکٹ کپ سے باہر | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
باربیڈوس کے کنسنگٹن اوول سٹیڈیم میں جنوبی افریقہ اور انگلینڈ کے درمیان ہونے والے ایک اہم میچ میں جنوبی افریقہ نے انگلینڈ کو نو وکٹ سے شکست دی ہے۔ انگلینڈ نے پہلے بیٹنگ کرتے ہوئے 154 رنز بنائے تھے اور جنوبی افریقہ کو میچ جیتنے کے لیے 155 رنز کا ہدف دیا تھا جو کہ جنوبی افریقہ نے ایک وکٹ کے نقصان پر 19.2 اوورز میں ہی حاصل کر لیا۔ جنوبی افریقہ کی طرف سے سب سے زیادہ سکور کپتان کریم سمتھ نے کیا اور وہ 58 گیندوں پر 89 رنز بنا کر ناٹ آؤٹ رہے۔ ان کے ہمراہ ژاک کیلیس 17 رنز کر ناٹ آؤٹ رہے۔ آؤٹ ہونے والے واحد کھلاڑی ڈی ویلیئرز تھے جو 42 رنز بنا کر فلنٹاف کی گیند پر نکسن کے ہاتھوں کیچ آؤٹ ہوئے۔
جنوبی افریقہ کی طرف سے ہال سب سے زیادہ کامیاب بولر رہے۔ انہوں نے 10 اوورز میں 18 رنز دے کر پانچ کھلاڑی آؤٹ کیے۔ جبکہ نیل نے تین اور کیلیس اور لینگویلٹ نے ایک ایک کھلاڑی کو آؤٹ کیا۔ اس میچ میں بھی انگلینڈ کے کپتان مائیکل وان کی بری فارم برقرار رہی اور انہوں نے اپنا پہلا رن 20 گیندیں کھیلنے کے بعد بنایا۔ لیکن ابھی وہ 17 رنز ہی بنا پائے تھے کہ نیل نے انہیں ایل بی ڈبلیو آؤٹ کر دیا۔ انگلینڈ نے ٹاس جیت کر پہلے بیٹنگ کرنے کا فیصلہ کیا اور اننگز کے شروع ہی میں اس کے پہلے تین کھلاڑی پویلین کو جا چکے تھے۔ اینڈریو سٹراس نے سکور کو آہستہ آہستہ آگے بڑھانا شروع کیا لیکن جب سکور 111 پر پہنچا تو انہیں کیلیس نے آؤٹ کر دیا۔ انہوں نے 46 رنز بنائے۔ ان کے علاوہ قابلِ ذکر سکور کرنے والے کولنگوڈ اور ناٹ آؤٹ بیٹسمین بوپارہ تھے، جنہوں نے بالاترتیب 30 اور 27 رنز بنائے۔
انگلینڈ کی طرف سے کپتان مائیکل وان اور ایئن بیل نے اوپننگ کی۔ لیکن جب سکور نو پر پہنچا تو لینگویلٹ کی گیند پر بیل آؤٹ ہو گئے۔ ان کا کیچ پرنس نے لیا۔ کپتان مائیکل وان اس اہم میچ میں بھی زیادہ رن نہ بنا سکے اور سترہ کے انفرادی سکور پر انہیں نیل نے ایل بی ڈبلیو کر دیا۔ اس وقت مجموعی سکور 37 تھا۔ تیسرے آؤٹ ہونے والے کھلاڑی پیٹرسن تھے جو صرف تین رنز بنا کر نیل کی ہی گیند پر آؤٹ ہو گئے۔ انگلینڈ نے وہی ٹیم رکھی جو بنگلہ دیش کے خلاف کھیلی تھی۔ جنوبی افریقہ نے میکھایا نتینی اور رابن پیٹرسن کی جگہ کارل لینگویلٹ اور جسٹن کیمپ کو ٹیم میں شامل کیا تھا۔ انگلینڈ کی ٹیم: مائیکل وان، ایئن بیل، اے سٹراس، کیون پیٹرسن، پی کولنگوڈ، اینڈریو فلنٹاف، روی بوپارا، پی نکسن، ساجد محمود، جیمی اینڈرسن، مونٹی پنیسر۔ جنوبی افریقہ کی ٹیم: گریم سمتھ، اے بی ڈی ویلیئرز، ژاک کیلیس، اے پرنس، مارک باؤچر، جسٹن کیمپ، شان پولاک، اینڈریو ہال، ایندرے نیل، کالر لینگویلٹ۔ | 
اسی بارے میں  آسٹریلیا ’مِنی فائنل‘ جیت گیا16 April, 2007 | کھیل دلچسپ میچ، انگلینڈ جیت گیا11 April, 2007 | کھیل نیوزی لینڈ سیمی فائنل میں14 April, 2007 | کھیل بنگلہ دیش، آسٹریلیا کا مقابلہ آج24 March, 2007 | کھیل باربیڈوس میں بڑا مقابلہ10 April, 2007 | کھیل ویسٹ انڈیز ورلڈ کپ سے باہر10 April, 2007 | کھیل انگلینڈ نے کینیا کو آسانی سے ہرا دیا24 March, 2007 | کھیل کینیڈا اچھے مقابلے کے بعد ہارگیا18 March, 2007 | کھیل | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
