 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ویسٹ انڈیز ورلڈ کپ سے باہر | ||||||||||||||||||||||||||||||||||||||||
سپر ایٹ مرحلے کے گرینیڈا میں ہونے والے میچ میں جنوبی افریقہ نے آسانی سے ویسٹ انڈیز کو 67 رنز سے ہرا دیا ہے۔ جنوبی افریقہ نے ڈی ویلیئرز کے 146 رنز کی بدولت 356 رنز بنائے تھے جس کے جواب میں ویسٹ انڈیز کی ٹیم مقررہ اوورز میں نو وکٹوں کے نقصان پر 289 رنز ہی بنا سکی اور اس طرح 67 رنز سے ہار گئی۔ ویسٹ انڈیز کی ٹیم کے لیے عالمی کپ میں رہنے کے لیے یہ میچ جیتنا بہت ضروری تھا لیکن وہ ایسا نہیں کر پائی۔ ویسٹ انڈیز کی طرف سے ساروان نے سب سے زیادہ سکور کیا لیکن بدقسمتی سے وہ اپنی سینچری مکمل نہ کر سکے اور نتینی کے گیند پر پولاک کے ہاتھوں کیچ آؤٹ ہوئے۔ ان کے علاوہ ڈیرن پاول 48 رنز بنا کر ناٹ آؤٹ رہے۔
ساروان کے علاوہ ویسٹ انڈیز کا کوئی بھی بڑا بیٹسمین اچھا سکور نہیں کر پایا اور ایک کے بعد ایک کھلاڑی آؤٹ ہوتا گیا۔ پانچ کے سکور پر ویسٹ انڈیز کی پہلی وکٹ گری جب چندرپال چار رنز بنانے کے بعد آؤٹ ہوئے، دوسری وکٹ سمتھ کی تھی جو 33 رنز بنا پائے۔ تیسرے آؤٹ ہونے والے کھلاڑی گیل تھے جو 32 رنز بنانے کے بعد رن آؤٹ ہوئے۔ کپتان برائن لارا نے احتیاط سے کھیلنا شروع کیا لیکن ژاک کیلیس نے بیسویں اوور میں لارا کو بولڈ کر دیا۔ انہوں نے 21 رنز بنائے۔ اس طرح اتنا بڑا سکور حاصل کرنے کے لیے جن بیٹسمینوں سے امید تھی وہ پویلین واپس چلے گئے اور ذمہ داری ٹیل اینڈرز پر آن پڑی جنہوں نے اگرچہ ٹارگٹ حاصل نہیں کیا لیکن پھر بھی سکور کو کافی حد تک ٹارگٹ کے قریب کر دیا۔ کولیمور کا آخری گیند پر چھکا اس بات کا منہ بولتا ثبوت ہے۔ اس سے قبل ڈی ویلیئرز کے زبردست 146 رنز کی بدولت جنوبی افریقہ نے ویسٹ انڈیز نے چار وکٹوں کے نقصان پر مقررہ 50 اوورز میں 356 رنز بنائے ۔
ڈی ویلیئرز نے پانچ چھکوں اور بارہ چوکوں کی مدد سے 128 گیندوں پر 146 رنز بنائے اور ژاک کیلیس کے ساتھ 171 رنز کی شراکت بنائی۔ یہ ڈی ویلیئرز کی ایک روزہ میچوں میں پہلی سینچری تھی۔ کیلیس بھی 80 رنز بنا کر آؤٹ ہوئے۔ ان کے آؤٹ ہونے کے بعد مارک باؤچر اور ہرشیل گبز نے نہایت سفاکانہ طریقے سے ویسٹ انڈین بولروں کی پٹائی کی اور چھ اوورز میں 86 رنز بنا ڈالے۔ ویسٹ انڈیز نے ٹاس جیت کر جنوبی افریقہ کو کھیلنے کی دعوت دی تھی۔ ویسٹ انڈیز نےٹیم میں کورے کولیمور، کیرون پولارڈ اور ڈیون سمتھ کو شامل کیا ہے۔ جنوبی افریقہ نے لوٹس بومین اور انیڈریو ہال کو ٹیم میں واپس بلایا ہے۔ جنوبی افریقہ کی ٹیم: اے بی ڈیولیئرز، گریم سمتھ، ژاک کیلیس، اے جی پرنس، لوٹس بومین، مارک باؤچر، شان پولاک، اینڈریو ہال، اے نیل، ایم نتینی۔ ویسٹ انڈیز کی ٹیم: کرس گیل، ایس چندرپال، آر ساروان، برائن لارا، ڈی سمتہ، رامدین، کے پولارڈ، ڈی پاول، آئن بریڈشا، کورے کولیمور۔ |  اسی بارے میں  ویسٹ انڈیز کا فیصلہ کن میچ10 April, 2007 | کھیل ویسٹ انڈیز: کرکٹ کا جوڑ توڑ03 April, 2007 | کھیل ویسٹ انڈیز کی ہار، تیسری بار 01 April, 2007 | کھیل بنگلہ دیش کی تاریخی فتح 07 April, 2007 | کھیل جنوبی افریقہ نے آئر لینڈ کو ہرا دیا03 April, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
