 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
’نیٹو کو راستہ دینے پر غور ممکن‘ | ||||||||||||||||||||||||||||||||||||||||
روس نےکہا ہے کہ افغانستان میں نیٹو اور امریکی افواج کو جنگی سازو سامان لیجانے کے لیےراستہ دینے پرغور ممکن ہے۔ پاکستان سے امریکی سپلائی روٹ پر طالبان کےمسلسل حملوں کے بعد امریکہ افغانستان میں اپنی فوج کو رسد پہنچانے کے متبادل راستے تلاش کر رہا ہے۔ کچھ روز پہلے کرغزستان نے اپنے ملک میں امریکی فوجی اڈے کو بند کرنے کا اعلان کیا تھا۔ روس کے وزیر خارجہ سرگئی لووروف نے ماسکو میں امریکی سفارت سے بات چیت کے بعد کہا کہ روس امریکہ کو افغانستان میں اسلحہ اور دیگر سازو سامان لے جانے کی اجازت دینے کے بارے میں سوچ سکتا ہے لیکن اس کے لیے دونوں ممالک کےدرمیان تعلقات میں بہتری آنا لازمی ہے۔ امریکہ اور روس کے جارجیا کے تنازعے کے بعد تعلقات کشیدہ ہو گئے ہیں۔ ادھر کرغزستان کے وزیر اعظم نے ان اطلاعات کی تردید کی ہے کہ اس کے ملک نے روس سے دو ارب ڈالر کی امداد ملنے کے اعلان کے بعد اپنی سرزمین سے امریکی فوجی اڈے کو ختم کرنے کا اعلان کیا ہے۔ کرغزستان کے وزیر اعظم نے کہا کہ امریکہ فوجی اڈے کے عوض کو ئی مناسب معاوضہ نہیں دے رہا تھا۔ ادھر یورپی یونین نے کرغزستان کی پارلیمنٹ سے کہا ہے کہ وہ امریکی فوجی اڈے کو بند کرنے سے متعلق کوئی حتمی فیصلہ کرنے سے پہلے اس کے مضمرات پر اچھی طرح غور کر لے۔
کرغستان میں اڈے کی بندش کے بعد قزاقستان کی حکومت نے افغانستان میں فوج کو’غیر فوجی‘ سازوسان مہیا کرنے کے لیے اپنی سر زمین استعمال کرنے کی اجازت دینے کا عندیہ تھا۔ قزاقستان کی وزارت خارجہ نے کہا ہے کہ ان کا ملک افغانستان میں امریکی فوجیوں کو غیر فوجی سازو سامان زمینی راستے کے ذریعے لے جانے کی اجازت دے گا۔ کرغزستان میں مانس کے مقام پر امریکہ فوجی اڈہ افغانستان پر امریکی حملے کے بعد قائم کیا تھا۔ کرغزستان میں فوجی اڈہ افغانستان میں امریکی افواج کو رسد پہنچانے کا اہم ذریعہ تھا۔ افغانستان میں برسرپیکار امریکی فوجیوں کو رسد کا زیادہ حصہ پاکستان کے راستے گزرتا ہے لیکن حالیہ مہینوں میں امریکی فوجی سازو سامان لے جانے والے قافلوں کو نشانہ بنایا گیا ہے۔ کرغزستان اور امریکہ میں طے معاہدے کے مطابق کرغزستان کی حکومت کے لیے اڈے کو بند کرنے کے لیے چھ مہینے کا نوٹس دینا لازمی ہے۔ کرغزستان نے امریکی ہوائی اڈے کو بند کرنے کا اعلان روس کی طرف سے دو ارب ڈالر کی امداد کے اعلان کے بعد کیا ہے۔ اس سے قبل دو ہزار پانچ میں ازبکستان نے بھی امریکہ کو اپنے ملک سے ہوائی اڈہ بند کرا دیا تھا۔ |  اسی بارے میں  نیٹو رسد: پاکستان سے نہ گئی تو نقصانات ہوں گے21 January, 2009 | پاکستان خِیبر: ایک اور پل تباہ، نیٹو رسد متاثر06 February, 2009 | پاکستان پشاور: نیٹو کے سپلائی ٹرک تباہ07 February, 2009 | پاکستان ’ازبک فوجی اڈہ خالی کردیں گے‘28 September, 2005 | آس پاس ’کرغستان کے اڈے استعمال کریں گے‘04 October, 2005 | آس پاس جاپان:امریکی فوجی اڈہ نامنظور12 March, 2006 | آس پاس امریکی فوجی اڈہ بند کرنے کا فیصلہ04 February, 2009 | آس پاس ’فوجی اڈہ بندکرنے کا فیصلہ حتمی‘06 February, 2009 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
