 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ابو غریب کا بھوت | ||||||||||||||||||||||||||||||||||||||||
امریکہ میں سینٹ کی ایک کمیٹی نے اپنی رپورٹ میں لکھا ہے کہ عراق میں ابو غریب جیل اور خلیج گوانتانامو میں امریکی جیل میں ہونے والی زیادتیوں کی ذمہ داری سابق وزیر دفاع ڈانلڈ رمزفیلڈ اور دیگر حکام پر بھی عائد ہوتی ہے۔ ابو غریب جیل میں عراقی قیدیوں کے ساتھ ہونے والی زیادتیوں کی تصاویر چار سال قبل منظر عام پر آئی تھیں۔ امریکی سینیٹ میں فوجی امور سے متعلق کمیٹی کے سربراہ نے کہا کہ اعلیٰ حکام نے اپنی ذمہ داری نچلے درجے کے فوجیوں پر ڈال دی تھی۔ ابو غریب جیل میں ہونے والی زیادتیوں کے مقدمے میں گیارہ فوجیوں کو مجرم قرار دیا جا چکا ہے۔ امریکہ کے سابق وزیر دفاع رمزفیلڈ کے ایک رفیق کار نے سینیٹ کی رپورٹ کو مسترد کیا ہے اور کہا ہے کہ قیدیوں کے ساتھ زیادتیاں چند لوگوں نے کی تھیں جنہیں اپنے کیے کی سزا مل چکی ہے۔
رپورٹ میں کہا گیا کہ ’ اعلی حکام کی طرف سے اپنے کو بری الذمہ قرار دیتے ہوئے چھوٹے عہدوں پر فائز فوجیوں پر ذمہ داری ڈالنا ناقابل فہم ہے‘۔ ابو غریب جیل کے سابق قیدی نے بتایا کہ جیل میں ان کے کپڑے اتار کر ٹھنڈا پانی ڈالا جاتا تھا، بجلی کے جھٹکے دیے گئے اور ان پر کتوں کو بھونکنے کے لیے چھوڑا گیا۔ ایک اور تینتالیس سالہ قیدی عماد نے بتایا کے انہیں پندرہ روز تک ننگا رکھا گیا۔ انہوں نے بتایا کہ انہیں دیوار کے ساتھ پٹخا جاتا تھا۔
عراق میں قومی سلامتی کے مشیر نے کہا کہ یہ سب ماضی کا حصہ بن چکا ہے۔ ’اب حالات بالکل مختلف ہیں‘۔ ابو غریب کے تینتالیس سالہ سابق قیدی عماد نے کہا کہ ان کے بچے ہر بار امریکیوں کو دیکھ کر ڈر جاتے ہیں۔ ’ہم پر امن لوگ ہیں۔ جو کچھ ابو غریب میں ہوا وہ امریکیوں کی ساکھ کے لیے ٹھیک نہیں‘۔ |  اسی بارے میں  ابو غریب: احوال بتانے والے پر کیا گزری05 August, 2007 | آس پاس ابو غریب جیل بند کرنے کا فیصلہ09 March, 2006 | آس پاس ابو غریب تصاویر پر امریکی ردعمل16 February, 2006 | آس پاس ابو غریب کی نئی تصاویر15 February, 2006 | آس پاس ابو غریب جیل سے 500 قیدی رہا01 October, 2005 | آس پاس ابو غریب: ڈاکٹروں پر الزام20 August, 2004 | آس پاس ابو غریب: مزید اہلکار زد میں19 August, 2004 | آس پاس ابو غریب کی نئی تصاویر20 May, 2004 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
