پہلے بھی عراقی قیدیوں کو رہا کیا گیا تھا

امریکی فوج کےترجمان نے کہا کہ انہوں نے عراقی حکومت سے مشاورت کے بعد ان قیدیوں کو رہا کرنے کا فیصلہ کیا ہے جو خطرناک جرائم میں ملوث نہیں ہیں۔

قیدیوں کی رہائی کا حالیہ فیصلہ ماہِ رمضان کے آغاز سے قبل سامنے آیا ہے۔ عرب حکومتیں روایتی طور پر رمضان کے آغاز سے قبل معمولی جرائم میں ملوث قیدیوں کو معاف کر دیتی ہیں۔

ادھر مغربی عراق میں امریکی فوج نے مبینہ طور پر القاعدہ سے تعلق رکھنے والے مزاحمت کاروں کے خلاف کارروائی شروع کر دی ہے۔

امریکی فوج کا کہنا ہے کہ یہ کارروائی غیر ملکی جنگجوؤں کو شام کے راستے عراق میں داخل ہونے سے روکنے کے لیےکی جا رہی ہے اور اس میں ایک ہزار امریکی فوجی شریک ہیں۔

مقامی ڈاکٹروں نے بی بی سی کو بتایا کہ ابھی تک عام شہریوں کی ہلاکت کی اطلاعات ہیں۔ انکا کہنا تھا کہ شہر چھوڑ کر جانے والی دو گاڑیاں حملے کی زد میں آ گئیں جس سے ان میں سوار تین بچوں سمیت دس افراد ہلاک ہو گئے۔