امریکی فوج کا عراق سے انخلاء امن عامہ کی صورتحال پر منحصر ہے

مسٹر مالکی نے قبائلی عمائدین سے بات چیت کے دوران یہ بات کہی۔

اس سے قبل عراقی عہدیداران نے بھی عندیہ دیا تھا کہ غیر ملکی افواج کے انخلا پر ابتدائی اتفاق ہوگیا ہے۔

مسٹر مالکی نے کہا کہ امریکہ کے ساتھ جاری بات چیت میں ٹھوس پیش رفت ہوئی ہے۔ لیکن اس سلسلے میں کسی بھی معاہدے کو پارلیمان کی منظوری درکار ہوگی۔ معاہدے کے بارے میں امریکہ کی جانب سے ابھی کوئی بیان جاری نہیں کیا گیا ہے۔

ابتدائی اطلاعات کے مطابق معاہدے کی رو سے امریکی فوج دو ہزار نو تک عراق کے تمام شہریوں سے نکل جائے گی۔

بغداد میں بی بی سی کے نامہ نگار کرسپن تھورلڈ کے مطابق عراق سے امریکی فوجیوں کی واپسی کا انحصار عراق میں امن عامہ کی صورتحال پر ہے۔

عراقی اہلکار محمد الحج حمود نے کہا ہے کہ امریکہ کی کچھ افواج دو ہزار گیارہ کے بعد بھی عراقی سکیورٹی فورسز کی تربیت کے لیے عراق میں موجود رہ سکتی ہیں۔