بیورو رپورٹ بی بی سی اسلام آباد

	راجہ ظفرالحق نے بتایا کہ اے پی ڈی ایم ’آئین کی دفعہ تریسٹھ میں ترمیم‘ کی مذمت کرتی ہے

اے پی ڈی ایم کا اجلاس اتوار کو صبح دس بجے سے شام تین بجے تک جاری رہا۔ اجلاس کے بعد تحریک انصاف کے رہنما عمران خان نے تمام حزب اختلاف کی طرف سے یہ فیصلہ سنایا کہ صدر جنرل پرویز مشرف کے صدارتی انتخابات کے لیے کاغذات نامزدگی منظور ہونے کی صورت میں حزب اختلاف کے تمام کارکن قومی اور صوبائی اسمبلیوں سے استعفے دے دیں گے۔

اجلاس کے بعد پریس کانفرنس میں راجہ ظفرالحق نے بتایا کہ اے پی ڈی ایم ’آئین کی دفعہ تریسٹھ میں ترمیم‘ کی مذمت کرتی ہے ان کا کہنا ہے کہ حکومت اپنے مقاصد کے لیے ان اہم قوانین کو غیر فعال بنانا چاہتی ہے جو کہ عدلیہ کے ساتھ سراسر ناانصافی ہے۔

انہوں نے کہا کہ حزب اختلاف کی تمام جماعتیں دس ستمبر کو میاں نواز شریف کی جلا وطنی کی مذمت کرتی ہیں۔ ان کا کہنا ہے کہ سپریم کورٹ نے میاں نواز شریف کو پاکستان واپس آنے کی اجازت دے دی تھی اس کے باوجود انہیں

عدلیہ کی کوئی اہمیت نہیں  سپریم کورٹ کے فیصلے کے باوجود میاں نواز شریف کو جلاوطن کیا جانا یہ ثابت کر تا ہے کہ موجودہ حکومت کے لیے عدلیہ کے فیصلوں کی کوئی اہمیت نہیں ہے

اجلاس میں عمران خان کے کراچی شہر میں داخلے پر پابندی کی بھی مذمت کی گئی۔ ان کا کہنا ہے کہ ملک میں کہیں بھی جانا ہر شہری کا حق ہے اور اس حق کی خلاف ورزی کرنا سراسر نا انصافی ہے۔

موجودہ حکومت کے طرز عمل پر احتجاج کرنے کے لیے اے پی ڈی ایم نے اکیس ستمبر بروز جمعہ ملک گیر ہڑتال کا اعلان کیا ہے ۔

حزب اختلاف کے مطابق ملک میں دہشت گردی کے بڑھتے ہوئے واقعات، عدلیہ کی اجازت کے باوجود نواز شریف کی جلاوطنی اور آئین میں ترامیم کی کو ششیں موجودہ حکومت کی نا کامی کا ثبوت ہیں۔