صرف چھ روز میں عرب فرجوں نے ہتھیار ڈال دئے

ڈاکٹر ذکریہ القاق القدس یونیورسٹی کے نائب صدر ہیں اور جب جنگ چھڑی تو مشرقی یروشلم کے فصیل بند شہر میں رہتے تھے۔ یہ ان کی نظروں سے اس جنگ کی ایک جھلک ہے۔

انیس سو سڑسٹھ میں جب جنگ چھڑی، اس وقت میں بارہ برس کا تھا۔ مجھے آج بھی اچھی طرح یاد ہے کہ وہ پیر کا دن تھا اور صبح کے دس بج رہے تھے کہ اردنی اور اسرائیلی افواج کے درمیان فائرنگ شروع ہوگئی۔ میں تب بھی( مشرقی یروشلم کے) اسی گھر میں رہتا تھا۔ مجھے یاد ہے کہ ہمارے گھر سے کچھ ہی فاصلے پر اردنی فوج نے مورچے قائم کر رکھے تھے اور اس علاقے کا انچارج افسر میرے مرحوم والدین کو بتا رہا تھا کہ فوجی رسد اگلے محاذوں تک پہنچانے کے لئے ایک نئی سڑک بنانے کی ضرورت ہے۔

آپکو ایک بات سمجھنی ہوگی، چاہے آپ جنت میں ہی کیوں نہ رہتے ہوں، مقبوضہ علاقے کی زندگی، مقبوضہ علاقے کی ہی زندگی ہے۔

میں نے اس طرح کی لڑائی پہلے کبھی نہیں دیکھی تھی۔ فائرنگ اور گولہ باری کے بیچ میں ننگے پیر ہی اپنے والدین کےساتھ پڑوس کے ایک گاؤں ابو دیس پہنچا، جہاں لڑائی سے بچنے کے لیے ہم نے ایک غار میں پناہ لی۔

میری والدہ دل کی پرانی مریض تھیں، اور میرے والد کافی بوڑھے، لیکن پھر بھی ہم پہاڑی راستوں سے پیدل ہی گزرتے ہوئے جریکو پہنچے۔شدید گرمی پڑ رہی تھی پھر بھی سارے راستے میرے والد نے کندھے پر کپڑوں کا ایک بنڈل اٹھائے رکھا۔ ہم جنگ کے لیے بالکل تیار نہیں تھے۔

اسرائیلی ایک متحد یروشلم کی بات ضرور کرتے ہیں، لیکن سچ یہ ہے کہ شہر پوری طرح بٹا ہوا ہے۔ ڈاکٹر ذکریہ القاق

مشرقی یروشلم میں ہم گنجان آبادی والے علاقوں میں رہتے ہیں، ٹیکس بہت زیادہ ہیں، اور سہولتیں کم۔ لہذا ہماری زندگیاں ان لوگوں کی زندگیوں سے زیادہ مختلف نہیں ہیں جو فصیل کے دوسری طرف رہتے ہیں۔

اگر آپ مشرقی یروشلم کی سڑکوں پر نکلیں، تو اسرائیلی فوجی اب بھی آپ کو حالت جنگ کے لیے تیار نظر آئیں گے۔

اسرائیلی ایک متحد یروشلم کی بات ضرور کرتے ہیں، لیکن سچ یہ ہے کہ شہر پوری طرح بٹا ہوا ہے۔

آپکو ایک بات سمجھنی ہوگی، چاہے آپ جنت میں ہی کیوں نہ رہتے ہوں، مقبوضہ علاقے کی زندگی، مقبوضہ علاقے کی ہی زندگی ہے۔