ایرانی صدر نے برطانوی فوجیوں سے الوداعی ملاقات کی

ایران کی طرف سے برطانوی بحریہ کے پندرہ اہلکاروں کی غیر متوقع رہائی پر برطانوی وزیر اعظم ٹونی بلیئر نے اطمینان کا اظہار کیا اور اس بات پر اصرار کیا ہے کہ ایران کے ساتھ کوئی خفیہ سودے بازی نہیں کی گئی ہے۔

برطانوی فوجیوں کی گرفتاری

برطانوی فوجیوں کا اعترافی بیان

ایران سے روانہ ہونے سے قبل کئی اہلکاروں نے ایرانی ٹیلی ویژن پر اپنی رہائی پر شکریہ ادا کیا۔ لیفٹنٹ فیلکس کارمن نے نے کہا ’میں سمجھ سکتا ہوں کہ ہماری طرف سے بظاہر ایران کی سمندری حدود کی خلاف ورزی پر ایرانیوں نے ہتک کیوں محسوس کی ہو گی‘۔ انہوں نے امید ظاہر کی کہ اس واقعے سے دونوں ملکوں کے درمیان بہتر تعلقات کے قیام میں مدد ملے گی۔

فے ٹرنر نے کہا ’ہم اپنے کیے پر معذرت خواہ ہیں، لیکن رہائی پر ہم آپ لوگوں کا شکریہ ادا کرتے ہیں‘۔ دونوں اہلکاروں نے کہا کہ ان کے ساتھ اچھا سلوک کیا گیا۔

امید  میں سمجھ سکتا ہوں کہ ہماری طرف سے بظاہر ایران کی سمندری حدود کی خلاف ورزی پر ایرانیوں نے ہتک کیوں محسوس کی ہو گی۔ امید ہے اس واقعہ سے دونوں ملکوں کے درمیان بہتر تعلقات میں مدد ملے گی۔ فیلکس کارمن

تاہم اقوام متحدہ میں امریکہ کے سابق سفیر جان بولٹن نے ایران کی طرف سے برطانوی بحریہ کے اہلکاروں کی رہائی پر تبصرہ کرتے ہوئے اسے ایران کی ایک واضح جیت قرار دیا اور کہا ہے کہ اس سے ایران کی جوہری ہتھیاروں کے حصول کی کوششوں کو بھی تقویت ملے گی۔

ایران کے صدر احمدی نژاد نے بدھ کو غیر متوقع طور پر دو ہفتے قبل مبینہ طور پر ایران کی سمندری حدود کی خلاف ورزی کرنے والے برطانوی بحریہ کے پندرہ اہلکاروں کو رہا کرنے کا اعلان کیا تھا۔ ان کی رہائی کا اعلان کرتے ہوئے انہوں نے کہا وہ اسلام کے آخری نبی حضرت محمد کی ولادت کے موقع پر ان فوجیوں کو برطانیہ کے لیے تحفہ کے طور پر رہا کر رہے ہیں۔

بدھ کی رات کو ایران کے ایک ٹی وی چینل نے رہا ئی پانے والے تین سیلرز کے انٹرویوز نشر کیئے جن میں انہوں نے ایران کے صدر کا شکریہ ادا کیا۔

ایرانی صدر نے یہ اعلان ایک اخباری کانفرنس کے ذریعے کیا، جس کے دوران ایرانی صدر نے ان کمانڈوز کو میڈلز بھی دیئے جنہوں نے کارروائی کر کے برطانوی فوجیوں کو خلیج فارس سے حراست میں لیا تھا۔