سلام زوبعی ایک ممتاز سنی رہنما ہیں

پولیس کے مطابق سلام زوبعی اپنے گھر کے قریب واقع ایک مسجد سے نکل رہے تھے کہ ایک شخص نے خود کو بم سے اڑا دیا جس کے بعد ایک کار بم دھماکہ بھی ہوا۔

اطلاعات کے مطابق نائب وزیر اعظم کو بغداد کے گرین زون کی حدود کے اندر واقع امریکی فوج کے ایک ہسپتال لے جایا گیا ہے جہاں ان کا آپریشن کیا جا رہا ہے۔

سلام زوبعی ایک ممتاز سنی رہنما ہیں اور عراق کے دو نائب وزرائے اعظم میں سے ہیں۔

مرنے والوں میں دو افراد نائب وزیر اعظم کے محافظ تھے جبکہ پندرہ افراد زخمی ہوئے ہیں جن میں سلام زوبعی کے بھائی بھی شامل ہیں جوکہ شدید زخمی ہیں۔

سلام زوبعی عراق کی شیعہ اکثریتی یکجہتی حکومت میں شامل سب سے بڑے سنے اتحاد کے سربراہ ہیں۔

ان کا گھر بغداد کے مرکز میں واقع گرین زون کے کے قریب ہے۔

بغداد میں بی بی سی کے نامہ نگار بین برائن کے مطابق یہ دھماکے اس پابندی کے باوجود ہوئے ہیں جو حکومت نے کار بم دھماکوں کو روکنے کی غرض سے جمعہ کے روز گاڑیوں کے استعمال پر لگا رکھی ہے۔

جمعہ کے دھماکے چوبیس گھنٹوں کے اندر اس نوعیت کی دوسری بڑی کارروائی ہیں۔ جمعرات کو ایک دھماکہ اس وقت ہوا تھا جب اقوام متحدہ کے سیکرٹری جنرل بان کیمون عراقی وزیر اعظم نوری المالکی کے ہمراہ ایک پریس کانفرنس سے خطاب کر رہے تھے۔