اقوامِ متحدہ میں سوڈان کے سفیر ابراہیم مرگانی (دائیں) اور دارفور کے نائب گورنر فرح مصطفیٰ جینیوا میں مندوبین کی تقاریر سن رہے ہیں

البتہ برطانیہ کے وزیرِ اعظم ٹونی بلیئر کے ایک ترجمان نے کہا کہ منصوبہ بی کے تحت خطے میں نو فلائی زون قائم کیا جاسکتا ہے۔

خیال ہے کہ واشنگٹن میں دارفور کی صورت حال پر تشویش بڑھتی جارہی ہے۔ دارفور کے لیے صدر بش کے خصوصی ایلچی اینڈریو نٹسیواس نے حال میں خرطوم کا دورہ کیا جہاں انہوں نے صدر عمر البشیر سے عالمی امن فوج کی تعیناتی پر زور ڈالا ۔

نو فلائی زون  منصوبہ بی کے تحت خطے میں نو فلائی زون قائم کیا جاسکتا ہے ترجمان ٹونی بلیئر

اگرچہ دوسرے اقدامات کے متعلق ابھی واضح طور نہیں بتایا گیا ہے لیکن خیال ہے کہ اس میں سوڈان کی بحری ناکہ بندی یا فضائی حملہ شامل ہوسکتا ہے۔ تاہم اقوام متحدہ کو ان اقدامات کی حمایت کرنی ہوگی۔

اس سے قبل جینیوا میں اقوامِ متحدہ کی انسانی حقوق کی کونسل کے ایک ہنگامی اجلاس میں اس بات پر اتفاق کیا گیا تھا کہ دارفور میں انسانی حقوق کی خلاف ورزیوں کی تحقیقات کے لیے ایک اعلیٰ سطحی وفد بھیجا جائے۔

اقوامِ متحدہ کے اندازوں کو مطابق تین سال سے جاری لڑائی میں کم از کم بیس لاکھ افراد بےگھر اور دو لاکھ کے قریب ہلاک ہوئے ہیں۔