پاکستان میں 39 فیصد اور افغانستان میں 33 فیصد بچے سکول نہیں جاتے۔

اس تنظیم کا کہنا ہے کہ سیاسی عزم اور مزید مالی امداد کے بغیر مسلح لڑائی والے علاقوں میں پھنسے ہوئے بچوں کی ابتدائی تعلیم یقینی بنانا ناممکن سا ہے۔

صومالیہ میں 89 فیصد بچے سکول نہیں جاتے۔ جمہوریہ کانگو میں 65 فیصد بچے سکول سے باہر ہیں۔ پاکستان میں 39 فیصد، عراق میں 22 فیصد اور افغانستان میں 33 فیصد بچے سکول نہیں جاتے۔ چاڈ، نیپال، انگولا، سیئرا لیون، شمالی تیمور، ایریتریا، سوڈان، وغیرہ میں بھی حالات کچھ ایسے ہی ہیں۔

پاکستان میں 39 فیصد، عراق میں 22 فیصد اور افغانستان میں 33 فیصد بچے سکول نہیں جاتے۔

سیو دی چِلڈرن نے ایک عالمی مہم چلائی ہے تاکہ ایسے بچوں کا سکول جانا یقینی بنائی جاسکے۔ یہ تنظیم دنیا کے حکومتی رہنماؤں پر دباؤ بڑھانا چاہتی ہے تاکہ وہ مثبت سمت میں اقدام کریں۔

یہ غیرسرکاری تنظیم چاہتی ہے کہ سن 2010 تک کم سے کم تین ملین بچوں کو سکول میں داخل کرایا جائے۔

سن 2000 میں اقوام متحدہ کے ہزاریہ ترقیاتی اہداف پر دنیا کے بیشتر ممالک نے دستخط کیے تھے جس کے تحت سن 2015 تک پرائمری تعلیم کو پوری دنیا میں عام بنانا ہے۔

سیو دی چِلڈرن کا کہنا ہے کہ بچوں کی ابتدائی تعلیم یقینی بنانے کی کوششیں اس وقت تک ناکام رہیں گی جب تک ان علاقوں میں رہنے والے بچوں پر توجہ نہیں دی جاتی جہاں برسوں سے مسلح لڑائیاں جاری ہیں۔