دنیا مذہب اسلام کو برا کہنا چھوڑ دے: ہوگو چاویز

محمود احمدی نژاد ان دنوں وینزویلا کے سرکاری دورے پیں۔ ایران کے صدر جب وینزویلا کے دارالجکومت کراکس پہنچے تو ان کا بھر پور انداز میں استقبال کیا گیا اور وینزویلا کے فوجی دستوں نے ایرانی صدر کو سلامی پیش کی۔

ایران کے صدر نے کہا وینزویلا اور ایران کے درمیان زمینی فاصلہ ذرہ زیادہ ہے لیکن دونوں ملکوں کے عوام کے دل ایک دوسرے کے بہت قریب ہیں۔

وینزویلا کے صدر ہوگو شاویز نے، جو امریکی مخالفت کی وجہ سے شہرت رکھتے ہیں، کہا کہ ان کا ملک ایران کے ساتھ اپنے تعلقات کو مزید وسعت دینا چاہتا ہے۔

بی بی سی کے نامہ نگار کے مطابق ایران اور وینزویلا میں مشترک چیز صرف امریکہ کی مخالفت ہے اور دونوں ملکوں کے صدور اپنے آپکو کو انقلابی گردانتے ہیں۔

ایرانی صدر نے وینزویلا کے صدر کا ہاتھ بلند کر کے کہا کہ وہ جنوبی امریکہ کے اس انقلابی کو داد دیتے ہیں جو دنیا میں ایک قوم کے غلبے کے خلاف جہدوجہد کر رہے ہیں۔

ہوگو چاویز نے اس موقع پر ایران کی اسلامی حکومت کی تعریف کرتے ہوئے کہا کہ وقت آ گیا ہے کہ مذہب اسلام کو برا کہنا چھوڑ دیا جائے۔

انہوں نے کہا دونوں ملکوں نے دنیا میں توازن کو برقرار کرنے کے لیے ایک دوسرے سے تعاون کا فیصلہ کیا ہے۔