’برطانوی حکومت نے قومی سلامتی کو درپیش خطرے کے پیش نظر چوکسی کو انتہائی سطح تک بڑھا دیا ہے‘

کیا کیا ہوا؟

برطانوی وزیر داخلہ جان ریڈ نے اس بات کی تصدیق کی ہے کہ اور کہا ہے کہ اس منصوبے میں ملوث اہم افراد اب حراست میں ہیں لیکن اب بھی چوکس رہنے کی اشد ضرورت ہے۔ ان کا کہنا تھا کہ ’دھماکوں کے ذریعے دورانِ پرواز کئی طیارے گرائے جانے تھے اور جس کے نتیجے میں بڑے پیمانے پر جانی نقصان ہوتا‘۔

لندن میں انسداد دہشت گردی پولیس کے سربراہ پیٹر کلارک نے کہا کہ معلومات کے مطابق برطانیہ سے امریکہ جانے والے پروازوں پر رکھے جانے والے بموں کو دستی سامان میں لے جایا جانا تھے۔

اب برطانیہ سے تمام پروازوں پر دستی سامان لے جانے پر پابندی لگا دی گئی ہے۔

مجھ سے اس لیئے رابطہ کیا گیا کیونکہ گرفتار ہونے والے افراد مسلمان ہیں لارڈ نذیر احمد

ملزمان کی شناخت تو نہیں کی گئی ہے تاہم برطانوی پارلیمان کے رکن لارڈ نذیر احمد نے بی بی سی سے بات کرتے ہوئے کہا ہے کہ ان سے حکام نے اس لیئے رابطہ کیا ’کہ گرفتار ہونے والے افراد مسلمان ہیں۔‘
خیال ہے کہ تین امریکی ہوائیی کمپنیوں کی دس تک پروازوں کو نشانہ بنایا گیا تھا۔

لندن دھماکے القاعدہ نے کروائے

لندن دھماکے ایک ہی وقت ہوئے

پولیس کا کہنا ہے کہ اس سلسلے میں ایک ان کا ایک خفیہ آپریشن کئی ماہ سے جاری تھا۔

	لندن کے ہوائی اڈوں سے درجنوں پروازیں منسوخ کر دی گئی ہیں

ایم آئی فائیو کی ویب سائٹ پر موجود معلومات کے مطابق خطرے کی اس سطح کا مطلب یہ ہوتا ہے کہ برطانیہ کو انتہائی خطرہ ہے اور کسی بھی وقت کوئی حملہ ہو سکتا ہے۔

مبینہ منصوبے کے انکشاف کے بعد برطانیہ کے تمام ہوائی اڈوں پر حفاظتی انتظامات کڑے کر دیئے گئے ہیں۔

بی بی سی کے ذرائع کا کہنا ہے کہ اس سازش کے ’مشکوک مرکزی‘ کردار برطانیہ کے پیدائشی ہیں۔

دریں اثنا برطانیہ سے فضائی سفر کرنے والے تمام مسافروں سے کہا گیا ان کا دستی سامان بھی ان کے ساتھ جانے کی بجائے علیحدہ جانے والے سامان کے ساتھ جائے گا۔