مزاحمت کارروں کے حملے کی طاقت برقرار ہے: جنرل مائر

جنرل رچرڈ مائرز نے کہا کہ ہر روز پچاس سے ساٹھ حملے ہو رہے ہیں اور اتنی ہی تعداد میں حملے پچھلے سال بھی کیے جا رہے تھے۔

جنرل مائر نے کہا کہ ابھی یہ کہنا قبل از وقت ہو گا کہ حملوں میں حالیہ تیزی کسی خاص مہم کا حصہ ہے یا نہیں۔

جنرل مائر نے کہا کہ حملوں کی تعداد سے مزاحمت کارروں کے زور کو ماپنا صیح نہیں ہے۔ انہوں نے کہا کہ آدھے سے زیادہ حملوں کو ناکام بنا دیا جاتا ہے۔

پینٹاگون میں بی بی سی کے نمائندے کے مطابق عراق میں انتخابات کے بعد وہاں امید کی جو فضا بنی تھی وہ اب ختم ہو چکی ہے۔

امریکی وزیر دفاع ڈونلڈ رمزفیلڈ کا کہنا ہے کہ عراق میں مزاحمت کارروں کے خلاف کامیابی کا انحصار اس بات پر ہے کہ عراق میں سیاسی نظام کو چلنے دیا جائے تاکہ وہ وہاں جڑیں پکڑ سکے۔

وزیر دفاع رمز فیلڈ نے کہا مزاحمت کارروں کو شکست صرف عراق کے لوگوں ہی دے سکتے ہیں اور وہ شکست صرف اسلحہ کے زور پر نہیں بلکہ سیاست میں ترقی کرکے ہی دی جا سکتی ہے۔