سینیٹ میں اس تقرری کی منظوری ہونا باقی ہے۔

زلمے خلیل زاد گزشتہ 16 ماہ سےافغانستان میں بطور سفارت کار کام کر رہے تھے جہاں انہوں نے طالبان کے وفادار جنگجوؤں سے ہتھیار ڈالنے کی اپیل کی تھی۔

ان کی تقرری کا اعلان امریکی وزیر خارجہ کونڈا لیزا رائس نے کیا ہے جبکہ ابھی سینیٹ میں اس تقرری کی منظوری ہونا باقی ہے۔

امریکی وزیر خارجہ نے کہا کہ ’ہمیں یہ اعلان کرتے ہوئے خوشی ہو رہی ہے کہ صدر سفارتکار زلمے خلیل زاد کو عراق میں امریکی سفارت کار نامزد کرنا چاہتے ہیں‘۔

خلیل زاد افغانستان میں پیدا ہوئے تھے اور 2001 میں طالبان کی حکومت کے خاتمے کے بعد انہوں نے وہاں امریکہ کے خصوصی ایلچی کے فرائض انجام دیے۔

افغانستان میں انہوں نےطالبان تحریک کے خلاف سخت موقف اختیار کرتے ہوئے ایک مرحلے پر حکومت پاکستان پر تنقید کرتے ہوئے کہا تھا کہ پاکستان شدت پسندوں کو راہِ راست پر لانے کی کامیاب کوشش نہیں کر رہا ہے۔