امریکہ میں لبنان کے سفیر عماد مصطفےٰ نے رفیق حریری کے قتل کو خود شام کا نقصان قرار دیا ہے

بی بی سی کو دیے جانے والے ایک انٹرویو میں امریکہ میں شام کے سفیر عماد مصطفیٰ نے کہا ہے کہ وہ فوجوں کی واپسی کے بارے میں کوئی حتمی نظام الاوقات تو نہیں بتا سکتے لیکن یہ بات طے ہے کہ تمام شامی فوجیوں کو واپس بلایا جائے گا۔

انہوں نے بتایا کہ گزشتہ ہفتے لبنان میں شامی فوجیوں کی تعداد تیرہ ہزار تھی جو آئندہ ہفتے آٹھ سے نو ہزار رہ جائے گی اور طرح کوئی مہینے بھر میں یہ تعداد محض دو ہزار تک پہنچ جائے گی۔

عماد مصطفیٰ نے ایک بار پھر لبنان کے سابق وزیر اعظم رفیق حریری کے قتل میں شام کے ملوث ہونے کی تردید کی۔

انہوں نے کہا کہ حریری کے قتل کی سازش ان کی موت سے بھی آگے کا معاملہ ہے اور اس موت سے خود شام کو بھی نقصان ہوا ہے۔

دریں اقوام متحدہ کی ایک تحقیقاتی ٹیم نے لبنان کے سابق وزیر اعظم رفیق حریری کے قتل کی تفتیش شروع کردی ہے۔

ٹیم کی قیادت آئیر لینڈ پولیس کے نائب سربراہ پیٹر فٹسجیرلڈ کر رہے ہیں۔

انہوں نے صحافیوں کو بتایا کہ وہ اپنی تفتیش کے نتائج سے اقوام متحدہ کی سکیورٹی کونسل کو چار ہفتوں میں آگاہ کردیں گے۔

رفیق حریری کی بہن اور لبنانی پارلیمنٹ کی رکن باہیا حریری نے بی بی سی کو بتایا کہ انہیں لبنانی حکام کی تفتیش پر اعتماد نہیں ہے۔

رفیق حریری کی تدفین پر ان کے حامی

لیکن لبنان کے وزیر اعظم عمر کریمی نے اس اقدام کو لبنان کے عدم استحکام سے تعبیر کیا ہے۔ ان کا کہنا ہے کہ ’اگر شامی فوج لبنان سے چلی جاتی ہے تو سوال یہ ہے کہ پھر کیا ہوگا؟ ایسے حالات میں جو چیز نہایت واضع ہے وہ یہ ہے کہ ملک میں عدم استحکام پیدا ہونے کا امکان ہے‘۔