 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
نااہلی کےبعد ہنگامی اجلاس طلب | ||||||||||||||||||||||||||||||||||||||||
پاکستان مسلم لیگ نون کے سربراہ میاں نواز شریف نے اپنے رائے ونڈ فارم ہاؤس میں پارٹی کے سینئر رہنماؤں کا ہنگامی اجلاس طلب کرلیا ہے۔ مسلم لیگ نون کے صدر اور وزیراعلی پنجاب روزمرہ کے کام چھوڑ کر ایوان وزیراعلی سے رائے ونڈ روانہ ہوگئے ہیں۔ پارٹی کے دیگر رہنما بھی ہنگامی اجلاس میں شرکت کے لیےپہنچنا شروع ہوگئے ہیں۔ ادھر گورنر ہاؤس میں پیپلز پارٹی کے تعینات کردہ گورنر پنجاب سلمان تاثیر نے بھی آئینی امور کا جائزہ لینا شروع کردیا ہے۔آئینی ماہرین کا کہنا ہے کہ ان حالات میں گورنر کا عہدہ اہم ترین ہوگیا ہے۔ شہباز شریف کو اگر وزارت اعلی سے ہٹایا جاتا ہے تو گورنر پنجاب ہی کسی بھی جماعت کو نئی حکومت بنانے اور اپنی اکثریت ثابت کرنے کی دعوت دے سکتے ہیں۔ آئینی ماہرین کا کہنا ہے کہ وزیراعلی کے ساتھ ہی پنجاب کابینہ بھی تحلیل ہوجائے گی۔ پنجاب میں مسلم لیگ نون اور پیپلز پارٹی کی مخلوط حکومت ہے اور یہی دونوں جماعتیں مسلم لیگ قاف سے اتحاد کرکے نئی مخلوط حکومت بنانے کی پوزیشن میں ہیں۔ اس فیصلے کے ساتھ ہی پنجاب میں تینوں سیاسی جماعتوں میں بھی رابطے شروع ہو گئے ہیں۔ وزیر اعلی شہباز شریف کے ترجمان اور نامزد سینیٹرپرویز رشید نے لاہور میں ایک ہنگامی پریس کانفرنس سے خطاب کرتے ہوئے کہا ہے کہ پنجاب حکومت آسانی سے کسی کے حوالے نہیں کی جائے گی اور ہر سطح پر مزاحمت اور مقابلہ کیا جائے گا۔ انہوں نے کہا کہ ہڑتال کے لیے عوام کو کال دینے کی ضرورت نہیں ہے وہ پہلے ہی سڑکوں پر نکل آئے ہیں اور اپنا فرض پورا کر رہے ہیں۔ ادھر سپریم کورٹ کے فیصلے کے بعد لاہور سمیت پنجاب کے مختلف شہروں میں چھوٹے بڑے احتجاجی مظاہروں کی اطلاع بھی ملی ہے۔ پنجاب اسمبلی کے سامنے احتجاجی مظاہرہ کیا گیا ہے جس سے مال روڈ پر ٹریفک بلاک ہوگئی ہے۔ گوجرانوالہ میں ڈسٹرکٹ بار میں ہڑتال کی گئی جبکہ لاہور ہائی کورٹ بار ایسوسی ایشن نے دو روزہ ہڑتال کااعلان کیا ہے۔ مسلم لیگی رہنماؤں نے اس فیصلے پر شدید ردعمل ظاہرکیا ہے۔ مسلم لیگ نون کے ترجمان احسن اقبال نے میڈیا سے گفتگو کرتے ہوئے کہا ہے کہ یہ فیصلہ ایوان صدر سے لکھ کر آیا ہے اور اس کی ذمہ داری پی سی او عدلیہ پر ہے۔ انہوں نے کہا ہے اب ہمارے پاس تمام آپشن کھلے ہیں پارلیمان کے اندر اور باہر ہر جگہ احتجاج کیا جائے گا۔ مسلم لیگ قاف کے سربراہ اور سابق وزیراعلی پنجاب چودھری پرویز الہی نے کہا ہے کہ یہ سپریم کورٹ کا فیصلہ ہے جسے وہ تسلیم کرتے ہیں اور عدالتی فیصلے پر کوئی رائے زنی نہیں کرنا چاہتے۔ مسلم لیگ یا پیپلز پارٹی سے اتحاد کے بارے میں انہوں نے سوال کا جواب نہیں دیا اور کہا کہ ابھی وہ معاملات کا جائزہ لے رہےہیں۔ مسلم لیگ قاف کے صدر چودھری شجاعت حسین نے کہا کہ کسی کوخوش ہونے کی ضرورت نہیں ہے اور ان کا تبصرہ ابھی قبل از وقت ہوگا۔ بیرسٹر اعتزاز احسن نے اپنے تبصرے میں کہا ہے کہ لگتا ہے کہ ایک ایسی حکومت لانے کی کوشش ہے جو وکلاء کی لانگ مارچ میں رکاوٹ ڈالے۔ان کا کہنا ہے کہ اب پنجاب میں سیاسی عدم استحکام ہوگا۔ امیر جماعت اسلامی قاضی حسین احمد نے کہا کہ فیصلہ سنانے والی سپریم کورٹ غیر دستوری اقدام کے نتیجے میں وجود میں آئی ہے۔ |  اسی بارے میں  اہلیت کیس میں اٹارنی جنرل طلب23 February, 2009 | پاکستان ’نااہل قراردلانےکی کوشش نہ کریں‘21 February, 2009 | پاکستان ’عدالت کے پاس بہت اختیار ہے‘20 February, 2009 | پاکستان پنجاب گورنر کی حکومت پر تنقید19 February, 2009 | پاکستان ’عدلیہ کو جرنیلوں نے تقسیم کیا‘10 February, 2009 | پاکستان ’عدالت میں پیش کیوں نہیں ہوتے‘ 17 February, 2009 | پاکستان اہلیت کیس، لارجر بنچ پر فیصلہ موخر11 February, 2009 | پاکستان ’نواز شریف کیساتھ امتیازی سلوک‘02 February, 2009 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
