 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
لانگ مارچ کے لیے ضابطۂ اخلاق | ||||||||||||||||||||||||||||||||||||||||
سپریم کورٹ بار ایسوسی ایشن کے صدر علی احمد کرد نے اعلان کیا ہے کہ معزول ججوں کی بحالی کے لیے ہونے والے لانگ مارچ اور دھرنے کے لیے ایک ضابطہ اخلاق ترتیب دے دیا گیا ہے۔ یہ بات انہوں نے سنیچر کو جماعت اسلامی کے امیر قاضی حسین احمد سے ملاقات کے بعد میڈیا سے بات کرتے ہوئے بتائی۔ علی احمد کرد نے بتایا کہ وکلا تحریک پرامن ہے، اس لیے ہر وہ شخص جو لانگ مارچ اور دھرنے میں شرکت کرے گا اسے مرتب کردہ ضابطۂ اخلاق پر عمل کرنا ہوگا۔ انہوں نے کہا کہ جماعت اسلامی کے رہنماؤں نے وکیلوں کے ضابطہ اخلاق پر عمل درآمد کرنے کی یقین دہانی کرائی ہے۔ وکلا رہنماؤں نے علی احمد کرد کی قیادت میں لانگ مارچ اور دھرنے کے حمایت کے لیے جماعت اسلامی کے رہنماؤں سے ملاقات کی۔ وکلا رہنماؤں میں حامد خان، منیر اے ملک، طارق محمود، حافظ عبدالرحمن انصاری، شوکت عمر پیرزادہ، انور کمال، رانا اسد اور آصف علی ملک شامل تھے۔ جماعت اسلامی کے لاہور میں ہیڈکواٹر منصورہ میں ہونے والی ملاقات کے بعد قاضی حسین احمد نے وکلا رہنماؤں کے ہمراہ نیوز کانفرنس میں وکیلوں کے لانگ مارچ اور دھرنے کی حمایت کا اعلان کیا۔ ایک سوال پر قاضی حسین احمد نے بتایا کہ وہ خود دھرنے میں شرکت کریں گے اور جماعت اسلامی کی دھرنے میں شمولیت مہمانوں جیسی نہیں ہوگی۔ ایک دیگر سوال پر انہوں نے دھرنے کے دوران ہر شخص اپنی انسانی ضرورت کو خود پورا کرے گا کیونکہ بقول ان کے ضرورت ایجاد کی ماں ہے۔ سپریم کورٹ بار کے صدر علی احمد کرد نے پریس کانفرنس میں حکومت سے کہا کہ بارہ مارچ کو وکیلوں کے لانگ مارچ سے پہلے کی تمام معزول ججوں کو بحال کر دیا جائے۔ ان کا کہنا ہے کہ وکلا تحریک کی منزل اب بہت نزدیک ہے۔ خیال رہے کہ مسلم لیگ نون کے قائد نواز شریف نے بھی وکیلوں کے لانگ مارچ اور دھرنے میں شرکت کا اعلان کردیا ہے۔ |  اسی بارے میں  کوریج پر پابندی، بار کا احتجاج23 January, 2009 | پاکستان پی پی پی،مسلم لیگ رشتہ نرم28 January, 2009 | پاکستان ’دوبارہ تعیناتی کا قانون نہیں ہے‘31 January, 2009 | پاکستان ’لانگ مارچ سے خوفزدہ نہیں‘01 February, 2009 | پاکستان وکلا لانگ مارچ کی تاریخیں تبدیل06 February, 2009 | پاکستان آج بھی غیر سیاسی ہوں: چودھری07 February, 2009 | پاکستان ’دھرنے میں ن لیگ شرکت کرے گی‘21 February, 2009 | پاکستان 144: لانگ مارچ روکنے کی کوشش08 February, 2009 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
