ریاض سہیل بی بی سی اردو ڈاٹ کام ،کراچی

	حالیہ تشدد میں درجنوں افراد ہلاک ہوگئے تھے

وزیراعلیٰ ہاؤس میں گزشتہ دنوں ہونے والی کل جماعتی کانفرنس میں دیگر مطالبات کے ساتھ تمام جماعتوں نے ان واقعات کی عدالتی تحقیقات کا بھی مطالبہ کیا تھا۔

صوبائی وزیر قانون ایاز سومرو نے تصدیق کی ہے کہ ان کی وزارت سے ایماندار اور غیرجانبدار ججوں کے نام طلب کیے گئے ہیں جو عید کے فورا بعد پیش کردیے جائیں گے۔

ان کا کہنا تھا کہ وزیراعلیٰ سید قائم علی شاہ نے ہدایت کی ہے کہ کل جماعتی کانفرنس میں ہونے والے فیصلوں پر جلد عمل درآمد کیا جائے تاکہ اس بارے میں ہونے والی پیش رفت کے حوالے سے رپورٹ سیاسی جماعتوں کے آئندہ اجلاس میں پیش کی جائے۔

دوسری جانب رینجرز نے شہریوں کو مشورہ دیا ہے کہ وہ مختلف علاقوں میں کھڑی کی گئی رکاوٹیں تین روز کے اندر ہٹا دیں، بصورت دیگر رینجرز وفاقی حکومت کی ہدایت کے تحت یہ رکاوٹیں ہٹا دیں گے۔

یاد رہے کہ مشیر داخلہ رحمان ملک نے رینجرز اور پولیس کو شہر میں قائم نو گو ایریاز کے خاتمے کی ہدایت کی ہے۔ جماعت اسلامی، ایم کیو ایم حقیقی اور سنی تحریک کا کئی سالوں سے یہ مطالبہ رہا ہے کہ نو گو ایریاز کا خاتمہ کیا جائے۔ ان ایریاز میں سیاسی مخالفین کو نہیں آنے دیا جاتا۔