عبدالحئی کاکڑ، دلاور خان وزیر بی بی سی اردوڈاٹ کام، پشاور

	جنرل کیانی کو نیٹو کی فوجی کمیٹی سے خطاب کے لیے مدعو کیا گیا تھا۔

فوج کے جاری کردہ ایک بیان کے مطابق بیجلیم کے داراحکومت برسلز میں نیٹوں کی فوجی قیادت سے خطاب کرتے ہوئے جنرل اشفاق پرویز کیانی نے کہا کہ خطے میں امن قائم کرنے کےلیے ایک جامع حکمت عملی کی ضرورت ہے اور یہ کہ فوجووں کو اپنی جغرافیائی حدود میں کارروائی کرنی چاہیے۔

حملوں سے مسئلہ الجھے گا: گیلانی

امریکہ کے غلام نہیں: گیلانی

امریکی فوجیوں کو روکیں گے: صدر

ادھر صوبہ سرحد کے ضلع بنوں میں بدھ کو مبینہ امریکی میزائل حملے میں پانچ افراد ہلاک جبکہ دو زخمی ہوگئے ۔ قبائلی علاقوں کے باہر یہ اس نوعیت کا پہلا حملہ بتایا جارہا ہے۔

مقامی لوگوں کا کہنا ہے کہ میزائل سرحد پار افغانستان سے داغے گئے تھے تاہم حکام سرکاری طور پراس بارے میں کچھ کہنے سے گریز کر رہے ہیں۔

جنرل کیانی نے نیٹو کی فوجی کمیٹی کو خطے میں سکیورٹی کی صورتحال کے بارے میں تفصیلی معلومات فراہم کی۔

کمیٹی کے سبراہ ایڈمیرل گیام پاؤلو دی پاؤلو کے مطابق انہوں نے کہا کہ :’ کوئی بھی طاقت پاکستان اور افغانستان کی سرحد کو سیل نہیں کر سکتی۔ اس علاقے میں سرحد پار آمدورفت عام زندگی کا حصہ ہے اور صدیوں سے جاری ہے اور رہے گا۔‘

انہوں نے کہا کہ کیا یہ جانا چاہیے کہ مقامی لوگوں کو اس بات پر مائل کیا جائے کہ وہ دہشت گردوں سے دور رہیں۔

’وہاں رہنے والے لوگوں سے بات کرکے، ان کے دل جیت کر، ان کی حمایت حاصل کرکے ہی اس مسئلے کا کوئی حل نکل سکتا ہے۔‘

جنرل کیانی نے کمیٹی کو یقین دلایا کہ افغانستان میں نیٹو افواج کے لیے رسد کی فراہمی کا راستہ کھلا رہے گا۔

’ہم اس سپلائی لائن کو کھلا رکھنے کے لیے جو کچھ بھی ہماری طاقت میں ہے، جو کچھ بھی ہم کر سکتے ہیں، وہ کریں گے۔‘