شہزاد ملک بی بی سی اردو ڈاٹ کام، اسلام آباد

	24 نومبر 2007کواوجڑی کیمپ کے باہر ایک دھماکہ ہوا تھا جس میں 50سے زائد افراد جاں بحق ہوگئے تھے۔

ان ملزمان کو جمعرات کو راولپنڈی کی انسداد دہشت گردی کے جج سخی احمد کہوٹ کی عدالت میں پیش کیا گیا تھا۔

اس مقدمے کی تفتیش کرنے والے پولیس افسر نے عدالت سے استدعا کی کہ ان افراد سے اس خودکش حملے میں استعمال ہونے والی گاڑی اور دھماکے کے ماسٹر مائینڈ کے بارے میں پوچھ گچھ کرنی ہے۔

گرفتار ہونے والوں میں تین سگے بھائی عبدالباسط، عبدالماجد اور عبدالصبور ہیں جبکہ نیاز احمد،مظہرالحق اور شفیق الرحمن دیگر ملزمان میں شامل ہیں۔

ان افراد کو راولپنڈی کے مختلف علاقوں سے گرفتار کیا گیا تھا اور انہیں پہلے شناخت پریڈ کے لیے چودہ روز کے لیےاڈیالہ جیل راولپنڈی لے جایا گیا جہاں انہیں پولیس کی تحویل میں دے دیا گیا۔

گرفتار ہونے والوں میں تین سگے بھائی عبدالباسط، عبدالماجد اور عبدالصبور ہیں جبکہ نیاز احمد،مظہرالحق اور شفیق الرحمن دیگر ملزمان میں شامل ہیں۔

واضح رہے کہ چوبیس نومبر سنہ دو ہزار سات میں اوجڑی کیمپ کے باہر بارود سے بھری ہوئی ایک کار حساس ادارے کی ایک بس سے ٹکرا گئی تھی جس سے بس میں سوار پچیس سے زائد افراد جاں بحق ہوگئے تھے۔

اسی روز ہی راولپنڈی میں واقع جی ایچ کیو کے سامنے ایک اور خودکش حملہ ہوا تھا جس میں ایک خودکش حملہ آور نے اپنی گاڑی جی ایچ کیو کے سامنے چیک پوسٹ سے ٹکرا دی تھی اور اس واقعہ میں صرف خودکش حملہ آور ہی ہلاک ہوا تھا۔

ان خودکش حملوں کی تفتیش کے سلسلے میں مشترکہ تفتیشی ٹیم مقرر کی گئی تھی جس میں آئی ایس آئی، وفاقی تحقیقاتی ادارے، ایف آئی اے اور مقامی پولیس کے اہلکار شامل تھے۔ اس ٹیم نے اس مقدمے کی تفتیش کے سلسلے میں سینکڑوں افراد کو حراست میں لیا تھا تاہم انہیں پوچھ گھ کے بعد چھوڑ دیا گیا۔