 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ججوں کی بڑی تعدادنےحلف نہیں اٹھایا | ||||||||||||||||||||||||||||||||||||||||
ملک میں ایمرجنسی اور نئے عبوری حکم نامے کے نفاذ کے بعد سپریم کورٹ کے پندرہ اور ہائی کورٹس کے پچاس سے زائد ججوں نے پی سی او کے تحت حلف نہیں اٹھایا ہے۔ صدر جنرل پرویز مشرف نے سنیچر کی رات کو جسٹس عبدالحمید ڈوگر کو نئے عبوری حکم نامے کے تحت نیا چیف جسٹس آف پاکستان تعینات کر دیا ہے۔ سرکاری میڈیا کے مطابق سپریم کورٹ کے جسٹس محمد نواز عباسی، جسٹس فقیر محمد کھوکھر اور جسٹس محمد جاوید بٹر نے بھی پی سی او کے تحت حلف اٹھایا ہے۔ نئے چیف جسٹس عبدالحمید ڈوگر نے ان سے حلف لیا۔سپریم کورٹ کے ایک جج جسٹس سید سعید اشہد سے کراچی میں گورنر سندھ عشرت العباد نے حلف لیا۔ سپریم کورٹ میں اس وقت چیف جسٹس سمیت انیس جج ہیں جن میں سے پانچ نے پی سی او کے تحت حلف اٹھایا۔ حلف نہ اٹھانے والے جسٹس افتخار چودھری کے علاوہ جسٹس رانا بھگوان داس، جسٹس جاوید اقبال، جسٹس سردار رضا خان، جسٹس خلیل الرحمان رمدے، جسٹس فلک شیر، جسٹس میاں شاکر اللہ جان، جسٹس تصدق حسین جیلانی، جسٹس ناصر الملک، جسٹس راجہ فیاض احمد، جسٹس چودھری اعجاز احمد، جسٹس سید جمشید علی، جسٹس حامد علی مرزا اور جسٹس غلام ربانی شامل ہیں۔ لاہور
چیف جسٹس لاہور ہائی کورٹ مسٹر جسٹس افتخار محمد چودھری نے پی سی او کے تحت حلف اٹھا لیا ہے۔ گورنر پنجاب لیفٹیننٹ جنرل(ریٹائرڈ) خالد مقبول نے چیف جسٹس لاہور ہائی کورٹ سے حلف لیا۔ چیف جسٹس لاہور ہائی کورٹ نے سنیچر کو جن ججوں سے حلف لیا ان میں جسٹس سید زاہد حسین، جسٹس نسیم سکندر، جسٹس خالد علوی، جسٹس سید سخی حسین بخاری ، جسٹس مزمل خان، جسٹس ایم بلال خان، جسٹس فضل میراں چوہان ، جسٹس شبر رضا رضوی، جسٹس حامد علی شاہ ،جسٹس طارق شمیم، جسٹس سید اصغر حیدر اور جسٹس حسنات احمد خان شامل ہیں جبکہ اتوار کو حلف اٹھانے والوں میں جسٹس عبدالشکور پراچہ، جسٹس شیخ حاکم علی، جسٹس سجاد حسین شاہ اور جسٹس سردار اسلم شامل ہیں۔ پی سی او کے تحت حلف نہ اٹھانے والوں میں جسٹس خواجہ محمد شریف، جسٹس میاں نجم الزماں، جسٹس میاں ثاقب نثار، جسٹس آصف سعید کھوسہ، جسٹس مولوی انوارالحق، جسٹس سائر علی ، جسٹس میاں حامد فاروق ، جسٹس اعجاز احمد چودھری، جسٹس ایم اے شاہد صدیقی، جسٹس جاوید سرفراز ، جسٹس جہانگیر ارشد، جسٹس شیخ عظمت سعید، جسٹس محمد عطاء بندیال اور جسٹس اقبال حمید الرحمن شامل تھے۔ کراچی واضح رہے کہ ملک میں ایمرجنسی کے نفاذ سے قبل سندھ ہائی کورٹ میں ستائیس جج اپنے فرائض انجام دے رہے تھے جبکہ ہائی کورٹ کے چیف جسٹس صبیح الدین احمد تھے۔ اطلاعات کے مطابق ستائیس ججوں میں سے پانچ ججوں کو نہیں بلایا گیا تھا، بارہ ججوں کو گورنر ہاؤس بلایا گیا جبکہ باقی ججوں کے نام ابھی زیرِغور ہیں۔ جن ججوں کو نہیں بلایا گیا ان میں جسٹس صبیح الدین احمد، جسٹس سرمد جلال عثمانی، جسٹس انور ظہیر جمالی، جسٹس مشیر عالم اور جسٹس سجاد علی شاہ شامل ہیں۔
جن ججوں کو حلف اٹھانے کے لیے بلایا گیا تھا ان میں جسٹس افضل سومرو، جسٹس عزیزاللہ میمن، جسٹس یاسمین عباسی، جسٹس مسز قیصر اقبال، جسٹس منیب احمد خان، جسٹس علی سائیں ڈنو مہیتلو، جسٹس ندیم اظہر صدیقی، جسٹس محمود عالم رضوی، جسٹس امیر ہانی مسلم، جسٹس سلمان انصاری، جسٹس ظفر احمد خان شیروانی اور جسٹس گلزار احمد شامل ہیں۔ تاہم ان بارہ میں سے صرف چار ججوں نے پی سی او کے تحت حلف اٹھایا۔ پشاور پشاور ہائی کورٹ کے نئے چیف جسٹس طلعت قیوم قریشی دل کے عارضے میں مبتلا ہیں اور انہیں ہسپتال سے حلف برداری کے لیے گورنر ہاؤس لایا گیا۔سنیچر کی رات جن ججوں نے حلف اٹھایا ان میں جسٹس حامدفاروق، جسٹس سلیم خان، جسٹس اعجازالحسن، جسٹس قائم جان اور جسٹس سید معروف خان شامل ہیں۔
پشاور ہائی کورٹ کے کل ججوں کی تعداد پندرہ ہے جبکہ ان میں سے دو سیٹیں خالی تھیں اور اب نیا حلف لینے والے ججوں کی تعداد دس ہوگئی ہے۔ کوئٹہ حلف برداری کے یہ تقریب کوئٹہ میں گورنر ہاؤس میں منعقد ہوئی جہاں گورنر بلوچستان اویس احمد غنی نے چیف جسٹس بلوچستان امان اللہ یسین زئی سے حلف لیا ہے۔اس کے بعد چیف جسٹس امان اللہ یسین زئی نے بلوچستان ہائی کورٹ کے دیگر چار ججوں جسٹس احمد خان لاشاری جسٹس اختر زمان ملغانی جسٹس نادر خان اور جسٹس مہتہ کیلاش ناتھ کوہلی سے حلف لیا ہے۔ پاکستان کی حالیہ سیاسی صورتحال کے پیشِ نظر بی بی سی اردو کے صبح |  اسی بارے میں  ایمرجنسی کالعدم: سپریم کورٹ03 November, 2007 | پاکستان وکلاء کا احتجاجی تحریک کا اعلان03 November, 2007 | پاکستان پاکستان میں ٹی وی نشریات غائب 03 November, 2007 | پاکستان ’ہرمسئلہ بےیقینی کی کھونٹی پر لٹکا ہے‘03 November, 2007 | پاکستان ’عدلیہ، انتظامیہ سے متصادم تھی‘03 November, 2007 | پاکستان ’ایمرجنسی تاریخ کا ایک سیاہ باب‘ 03 November, 2007 | پاکستان ایمرجنسی چیلنج ہو سکتی ہے: سعید الزمان03 November, 2007 | پاکستان عبوری آئین: شہری آزادیاں سلب03 November, 2007 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
