ریاض سہیل
بی بی سی اردو ڈاٹ کام کراچی |  |
| | | ’لوگوں کو کوئی اطلاع دیے بغیر راستے بند کر دیےگئے ہیں‘ |
پاکستان پیپلز پارٹی کی چیئرپرسن بینظیر بھٹو کی کراچی آمد سے قبل ہی جناح انٹرنیشنل ایئرپورٹ کی طرف جانے والے راستوں کو پولیس نے کنٹینر کھڑے کر کے بند کر دیا ہے۔ پولیس کا کہنا ہے کہ یہ اقدام حفاظتی انتظام کے تحت کیے گئے ہیں تاہم ان اقدامات سے مقامی لوگوں کی ایک بڑی تعداد کو دشواری کا سامنا ہے۔ اس علاقے کے رہائشی محمد رشید کا کہنا تھا کہ صبح کو جب وہ گھر سے نکلے تھے تو راستے میں کنٹینر موجود نہیں تھے اور اب لوگوں کو کوئی اطلاع دیے بغیر راستے بند کر دیےگئے ہیں۔ ان کا کہنا تھا کہ’جو بچے سکول گئے ہیں وہ اس صورتحال میں کس طرح واپس جائیں گے کیونکہ گاڑیاں تو یہاں روک لی گئی ہیں‘۔ بینظیر بھٹو جمعرات کو جناح ایئرپورٹ پہنچے گی جہاں سے انہیں ٹرمینل ون پہنچایا جائےگا اور وہ جلوس کے ساتھ قائداعظم محمد علی جناح کے مزار کی جانب روانہ ہوں گی۔ کارگو کی وصولی کے لیے استعمال ہونے والے ٹرمینل ون تک عوام کی رسائی ابھی سے ہی ناممکن بنا دی گئی ہے اور حکام کی جانب سے لوگوں کو کہا جا رہا ہے کہ وہ جمعہ کو سامان وصول کر سکتے ہیں۔ | | | ٹرمینل ون تک عوام کی رسائی ابھی سے ہی ناممکن بنا دی گئی ہے |
دوسری جانب ایئرپورٹ سے لیکر قائداعظم کے مزار تک شاہراہ فیصل اور شاہراہ قائدین پر بینظیر کی بڑی بڑی تصاویر، بینر اور پوسٹر آویزاں کیے گئے ہیں، جن پر پنجاب اور سندھ کے رہنماؤں کے نام تحریر ہیں۔ شاہراہ فیصل پر بدھ سے ہی استقبالیہ کیمپ لگائے گئے ہیں جن میں تنظیمی ترانے بجائے جا رہے ہیں۔ ان کیمپوں میں پنجاب سے آئے ہوئے کارکنوں سمیت ہندو اور عیسائی اقلیتی کمیونٹی کے بھی کیمپ شامل ہیں۔ بارہ مئی کو چیف جسٹس افتخار محمد چودھری کی آمد کے وقت ہنگامہ آرائی کا مرکز رہنے والی شاہراہ فیصل اس وقت سیاسی سرگرمی کا مرکز بنی ہوئی ہے جہاں قومی شاہراہ سے آنے والے قافلے بھی گزر رہے ہیں اور مزید کیمپ لگائے جا رہے ہیں۔ بینظیر جمعرات کی شام کو قائداعظم محمد علی جناح کی مزار کے باہر شاہراہ قائدین پر جلسے سے خطاب کریں گی جس کے لیے بلٹ پروف کنٹینر تیار کر لیا گیا ہے جس سے سٹیج کا کام لیا جائےگا۔ | 
سفرٹرک پر،حفاظت جانثار فورس کا ذمہ
