عزیزاللہ خان بی بی سی اردو ڈاٹ کام کوئٹہ

	متاثرہ علاقے سے لوگوں کی محفوظ مقامات پر منتقلی کا عمل جاری ہے

خضدار کی تحصیل نال سے مقامی لوگوں نے بتایا ہے کہ اب تک باسٹھ افراد کی لاشیں نکالی جا چکی ہیں جبکہ سو کے لگ بھگ لوگ لاپتہ ہیں۔ نال سے دل مراد نامی شخص نے بتایا ہے کہ ان کے خاندان کے نو افراد سیلاب میں بہہ گئے ہیں جن میں سے اب تک صرف تین لاشیں نکالی گئی ہیں۔

انہوں نے بتایا کہ سیلاب سے بچ کر آنے والے لوگوں نے بتایا ہے کہ موقع پر تیس افراد نے ایک جگہ پر ہاتھوں کی زنجیر بنا لی تھی اور کہا تھا کہ اگر مریں گے تو اکٹھے اور جییں گے تو ایک ساتھ۔ جب سیلابی ریلے آئے تو دو افراد سلیم اور حکیم کے ہاتھ چھوٹ گئے تھے جو بچ گئے باقی کل ملا کر باون افراد تھے جن میں سے سینتالیس کے بارے میں کچھ معلوم نہیں ہے کہ وہ کہاں ہیں۔

گل مراد نے بتایا کہ سیلابی ریلوں کے بارے میں اتنظامیہ نے انہیں کوئی اطلاع نہیں دی تھی تاکہ وہ محفوظ مقام پر منتقل ہوجاتے۔

ادھر آواران کے علاقے جاؤ سےرمضان نامی شخص نے بتایا ہے کہ پیر کو مزید چار لاشیں ملی ہیں اور اب تک کُل چونسٹھ لاشیں مل چکی ہیں۔ رمضان نے بتایا کہ جس مقام سے لاشیں ملی ہیں وہاں سے اب تک بو اٹھ رہی ہے اور ایسا لگتا ہے کہ اس علاقے میں مذید لاشیں موجود ہیں۔

دیگر ہلاکتوں کی اطلاعات  پسنی، تربت، قلات، جھل مگسی، گندھاوا، نصیرآباد، بولان، مچھ، ہرنائی، قلعہ سیف اللہ، ژوب اور دیگر علاقوں سے سو سے زیادہ ہلاکتوں کی اطلاعات موصول ہوئی ہیں

پسنی، تربت، قلات، جھل مگسی، گندھاوا، نصیرآباد، بولان، مچھ، ہرنائی، قلعہ سیف اللہ، ژوب اور دیگر علاقوں سے سو سے زیادہ ہلاکتوں کی اطلاعات موصول ہوئی ہیں لیکن حکومت کی جانب سے صرف ایک سو چھپن افراد کے ہلاک ہونے کی تصدیق کی جا رہی ہے۔