احمد رضا شیخ کراچی

	شیخ عادل کے بڑے بھائی شیخ اسلم جیل میں بد سلوکی کی تحریری درخواست کے ساتھ

یہ حکم انہوں نے شیخ عادل کے بڑے بھائی شیخ اسلم کی تحریری درخواست پر جاری کیا ہے، جس میں انہوں نے دعویٰ کیا ہے کہ ان کے بھائی پر جیل میں شدید تشدد کیا جا رہا ہے اور ان کا سر بھی مونڈھ دیا گیا ہے۔

درخواست میں انہوں نے کہا کہ اپنی ہمشیرہ کے ساتھ شیخ عادل سے منگل کو جیل میں ملاقات کی تو دیکھا کہ وہ بری طرح زخمی ہیں۔

درخواست گزار کے مطابق شیخ عادل سے زخمی ہونے کے باوجود جیل میں مشقت کرائی جا رہی ہے۔

انہوں نے دعویٰ کیا کہ جیل سپرنٹنڈنٹ مظفر عالم صدیقی اور ڈپٹی سپرنٹینڈنٹ نعیم غوری سے شکایت کی کہ تو انہوں نے کہا کہ حساس اداروں کے حکم پر شیخ عادل کو تشدد کا نشانہ بنایا ہے اس لیے وہ مجبور ہیں۔ ڈسٹرکٹ اینڈ سیشن جج نے درخواست پر کارروائی کرتے ہوئے

رپورٹ تیس مارچ کو پیش کریں  جیل سپرنٹنڈنٹ کو نوٹس جاری کیاگیا ہے اور حکم دیا گیا ہے کہ وہ شیخ عادل کا طبی معائنہ کروائیں اور اس کی رپورٹ تیس مارچ کو عدالت میں پیش کریں

شیخ عادل اور ان کے ساتھی ملزمان سلمان ثاقب اور فہد نسیم کو ڈینئل پرل کے اغوا اور قتل کے مقدمے میں انسداد دہشت گردی کی خصوصی عدالت حیدرآباد نے سال دو ہزار دو میں عمر قید کی سزا سنائی تھی جب کہ مقدمے کے مرکزی کردار شیخ عمر کو سزائے موت سنائی تھی۔

شیخ عمر نے بھی والد شیخ سعید کے ذریعے ڈسٹرکٹ اینڈ سیشن جج کو تحریری شکایت کی تھی کہ ان کے ساتھ جیل میں غیر انسانی سلوک کیا جا رہا ہے، جس پر فاضل جج نے سول جج اور جوڈیشل مجسٹریٹ عبدالوحید شیخ کو تحقیقات کا حکم دیا تھا۔