ہارون رشید بی بی سی اردو ڈاٹ کام، پشاور

	ڈیرہ اسماعیل خان میں دہشت گردی کے واقعات میں اضافہ ہوا ہے

ڈیرہ اسماعیل خان میں پولیس حکام نے بتایا کہ کالعدم تنظیم سپاہ صحابہ کے کارکن مسرور عالم کو ایک موٹر سائیکل پر سوار دو حملہ آوروں نے گولیاں مار کر ہلاک کر دیا ہے۔ عینی شاہدین کے مطابق موٹر سائیکل پر سوار ایک شخص نے ہیلمٹ پہن رکھا تھا جبکہ دوسرا برقعے میں ملبوس تھا۔

مسرور عالم کو قریبی ہسپتال لے جایا گیا لیکن وہ راستے میں ہی دم توڑ گئے۔

اس ہلاکت کے بعد علاقے میں سکیورٹی انتظامات میں سختی کی گئی جس پر قریبی ٹانک شہر میں ایک ناکے پر تلاشی کے دوران وحید اللہ محسود نامی ایک شخص کوگرفتار کر کے اس کے قبضے سے تیس کلو دھماکہ خیز مواد برآمد کر لیا گیا۔

دھماکہ خیز مواد کے علاوہ ایک ڈیٹونیٹر، دو جیکٹس اور چند تاریں بھی برآمد کی گئیں۔

پولیس کے مطابق گرفتار ہونے والا قبائلی جنگجو عبداللہ محسود کا قریبی رشتہ دار ہے۔