ہارون رشید بی بی سی اردو ڈاٹ کام، پشاور

	ٹانک شہر میں اس قسم کے واقعات سے لوگوں میں کافی تشویش پائی جاتی ہے۔

یہ واقعہ ٹانک کے مرکزی بازار میں پیش آیا۔

ناظم ٹانک ریاض خان کنڈی کی رہائش گاہ پر بھی اتوار کی رات ایک شخص نے دستی بم پھینکا تھا جس سے کوئی جانی نقصان نہیں ہوا ہے۔ تاہم پولیس نے بعد میں اس حملہ آور کو جس کا نام سمیع اللہ بتایا جاتا ہے گرفتار کر لیا ہے۔

ادپر ٹانک پولیس کا کہنا ہے کہ آگ بجھانے والی ایک سرکاری گاڑی کو چھین کر جنوبی وزیرستان لیجانے کی کوشش میں ایک شخص ہلاک ہو گیا ہے۔ اطلاعات کے مطابق ٹانک فائر بریگیڈ کے ایک ڈرائیور سید گل نے پولیس کو اپنی رپورٹ میں بتایا کہ وہ دو پہر ساڑھے بارہ بجے پانی مہیا کر کے واپس آ رہا تھا کہ تین مسلح افراد نے سدا بہار کالونی کے پاس اس سے زبردستی گاڑی چھین لی اور جنوبی وزیرستان جانے والی سڑک پر روانہ ہوگئے۔

پولیس کا کہنا ہے کہ اس نے اس گاڑی کا تعاقب کیا اور اس پر گولی چلائی جس سے اس کا ٹائر پھٹ گیا اور وہ الٹ گئی۔ اس حادثے میں ایک شخص ہلاک جبکہ ایک زخمی ہوگیا۔ پولیس نے زخمی شخص کو گرفتار کرنے کے بعد مزید تحقیقات کے لیے ڈیرہ اسماعیل خان منتقل کر دیا ہے۔ تاہم ان افراد کی شناخت کے بارے میں وہ کچھ نہیں بتا رہی ہے۔

قبائلی علاقے جنوبی وزیرستان کے ساتھ سرحد پر واقع ٹانک شہر میں حالیہ دنوں میں بم دھماکوں اور پولیس پر حملوں میں اضافہ دیکھا جا رہا ہے اور اس قسم کے واقعات سے لوگوں میں تشویش پائی جاتی ہے۔