عزیز اللہ خان بی بی سی اردو ڈاٹ کام، کوئٹہ

	حالیہ کچھ ہفتوں میں ملک کے مختلف شہروں میں بم حملے ہوئے ہیں

یہ دھماکہ ایک سینیئر سول جج کی عدالت میں داخل ہوتے ہی دروازے کے قریب کونے میں ہوا ہے۔ ایک عینی شاہد صلاح الدین اچکزئی نے بتایا ہے کہ دھماکے والی جگہ سے ایک انسانی سر ملا ہے، جس پر چھوٹی داڑھی اور لمبے بال تھے۔

سوگ اور معاوضوں کے اعلان

دھماکے کے بعد تباہی کی تصاویر

واقعہ افسوسناک ہے: شوکت عزیز

بیرونی ہاتھ خارج از امکان نہیں: وزیر اعلیٰ بلوچستان

’خود کش حملے‘ کا منصوبہ، تین گرفتار

جسم کرسی اور سر میز پر  جب ہم لاشیں اٹھا رہے تھے تو دیکھا کہ جج عبدالواحد درانی کی لاش ان کی نشست پر اور سر میز پر تھا عینی شاہدین

ایک اور عینی شاہد ایڈووکیٹ راشد اعوان نے بتایا کہ عدالت کے باہر کھڑے تھے کہ ایک شخص انہیں دھکا دے کر تیزی سے کمرہ عدالت کی طرف بڑھ رہا تھا۔ انہوں نے اس شخص آرام سے چلنے کے لیے کہا تو اس نے جواب دیا کہ وہ جلدی میں ہے، اس نے شہادت دینی ہے۔

ایڈووکیٹ اعوان نے کہا کہ کچھ ہی دیر بعد دھماکہ ہو گیا۔ انہوں نے کہا کہ پولیس کو جائے واردات سے جو سر ملا ہے وہ اسی شخص کا معلوم ہوتا ہے جو ان کے پاس سے گزرا تھا۔

شہادت دینے والا  ایک شخص مجھے دھکا دے کر تیزی سے کمرہ عدالت کی طرف بڑھ رہا تھا۔ میں نے اسے انتظار کرنے کے لیے کہا تو اس نے جواب دیا کہ وہ جلدی میں ہے اور اس نے شہادت دینی ہے عینی شاہد

بلوچستان ہائی کورٹ بار ایسوسی ایشن کے صدر ہادی شکیل ایڈووکیٹ نے کہا ہے کہ یہ واقعہ حکومت کی نا اہلی کی وجہ سے رونما ہوا ہے۔ ’جہاں ضرورت ہوتی ہے وہاں سیکیورٹی فراہم نہیں کی جاتی اور غیر ضروری افراد کے ساتھ پولیس اہلکاروں کو تعینات کر دیا جاتا ہے‘۔

عینی شاہدین نے بتایا ہے کہ دھماکے کے بعد ہر طرف دھواں ہی دھواں تھا اور لوگ چیخ و پکار کر رہے تھے۔ ضلع کچہری کے گیٹ کے سامنے سینیئر سول جج کی عدالت کی دیوار اور کھڑکیاں ہیں۔ دھماکہ اس قدر زور دار تھا کہ شیشے کے ٹکڑے گیٹ کے باہر سڑک تک آئے ہوئے تھے۔

	ہلاک ہونے والوں میں سات وکلاء بھی شامل ہیں

ضلع کچہری کے صحن میں وکلاء بیٹھے ہوتے ہیں جبکہ برآمدے کے اندر عدالتیں اور بار روم ہیں۔ پہلی منزل پر پولیس اور ضلعی انتظامیہ کے دفاتر ہیں۔ عینی شاہدین نے بتایا کہ دھماکے کے بعد جب وہ لاشیں اٹھا رہے تھے تو انہوں نے دیکھا کہ جج عبدالواحد درانی کی لاش ان کی نشست پر اور سر میز پر تھا۔

زخمیوں کو کوئٹہ کے سول ہسپتال لے جایا گیا، جہاں لوگوں کا بہت زیادہ ہجوم دیکھنے میں آیا جو اپنے رشتہ داروں اور عزیزوں کو دھونڈنے میں سر گرداں تھے۔ جن کے رشتہ دار ہلاک ہو گئے تھے ان میں سے بیشتر یا تو رو رہے تھے یا غصے میں چلاتے ہوئے حکمرانوں کے خلاف باتیں کر رہے تھے۔

نوٹ: اگر آپ ضلع کچہری دھماکے کے عینی شاہد ہیں تو آپ ہمیں اپنی یاداشتیں ای میل فارم کے ذریعے بھیج سکتے ہیں۔