اعجاز مہر بی بی سی اردو ڈاٹ کام، اسلام آباد

	پانچ اکتوبر: ایوان صدر کے سامنے سے دو راکٹ ملے تھے

یہ راکٹ پاکستان کی انٹیلیجنس ایجنسی انٹر سروسز انٹیلیجنس یعنی آئی ایس آئی کے صدر دفتر کے قریب سے ملے ہیں۔

اسلام آباد پولیس کی جانب سے جاری کردہ بیان میں بتایا گیا ہے کہ 107mm کے یہ راکٹ شاہراہ کشمیر کے قریب واقع ’گرین بیلٹ‘ سے ملے ہیں۔ پولیس کی بتائی گئی جگہ کے سامنے ’آئی ایس آئی‘ کا صدر دفتر بہت کم فاصلے پر واقع ہے۔

سیکورٹی حکام کا کہنا ہے کہ اس بات کے امکان کو رد نہیں کیا جاسکتا کہ یہ راکٹ آئی ایس آئی کے ہیڈ کوارٹر کو نشانہ بنانے کے لیے نصب کیے گئے ہوں۔

پولیس کے جاری کردہ بیان میں بتایا گیا ہے کہ راکٹ ملنے کے بارے میں پولیس حکام تحقیقات کر رہے ہیں۔

آئی ایس آئی کا دفتر کم فاصلے پر  اسلام آباد پولیس کی جانب سے جاری کردہ بیان میں بتایا گیا ہے کہ 107mm کے یہ راکٹ شاہراہ کشمیر کے قریب واقع ’گرین بیلٹ‘ سے ملے ہیں۔ پولیس کی بتائی گئی جگہ کے سامنے ’آئی ایس آئی‘ کا صدر دفتر بہت کم فاصلے پر واقع ہے۔

ان کے مطابق پولیس نے خود راکٹ جنگل میں رکھے تھے تاکہ سیکورٹی حکام انہیں تلاش کرکے ناکارہ بنانے کی مشق کرسکیں۔

لیکن ان کے اس موقف کے بعد جب پولیس حکام نے باضابطہ بیان جاری کیا تو اس میں اپنے سینیئر افسر کے بیان کے برعکس موقف بیان کیا گیا ہے۔ جب سکندر حیات کا موقف جاننے کے لیے فون پر رابطہ کیا گیا تو ان کے آپریٹر نے بتایا کہ ’صاحب مصروف ہیں اور راکٹ برآمد ہونے کے بارے میں پولیس کے بیان پر اکتفا کریں۔‘

واضح رہے کہ پانچ اکتوبر کو پارلیمان کے سامنے سے دو روسی ساخت کے راکٹ اور ایک لانچر ملے تھے۔ اس بارے میں حکام نے بتایا تھا کہ ان راکٹوں سے تاریں بھی لگی تھیں جوکہ موبائل فون سے جڑی ہوئی تھیں۔

ان کے مطابق بظاہر انہیں لگتا تھا کہ یہ راکٹ ریموٹ کنٹرول سے چلانے کی سازش تھی۔

پانچ اکتوبر کو یہ راکٹ صدر جنرل پرویز مشرف کی راولپنڈی سے اسلام آْباد آمد کے محض دو گھنٹے پہلے برآمد ہوئے تھے۔ بعض تفتیش کاروں کا خیال ہے کہ شاید یہ راکٹ صدر کی گاڑیوں کے قافلے پر چلائے جاتے۔

چار اکتوبر کو راولپنڈی میں واقع صدر جنرل پرویز مشرف کی فوجی رہائش گاہ کے قریب ایوب پارک میں ایک دھماکہ ہوا تھا۔ جس کے متعلق بتایا گیا تھا کہ وہ ایک راکٹ پھٹنے کا دھماکہ تھا۔

صدر کی رہائش گاہ کے قریب دھماکے اور ان کے دفتر کے سامنے سے راکٹ ملنے کے بعد ان کی پہلے سے سخت سیکورٹی مزید سخت کردی گئی ہے۔