عدنان عادل بی بی سی اردو ڈاٹ کام، اسلام آباد

	علاقے کو فوج اور پولیس نے گھیرے میں لے لیا ہے

پولیس اور فوج نے موقع پر پہنچ کر ایوب پارک والے علاقے کی ناکہ بندی کردی۔

دھماکہ فوج کے گولف کلب سے چالیس پچاس گز دور اور آرمی ہاؤس سے چند کلومیٹر کے فاصلے پر ہوا۔

دھماکے کے تین گھنٹے کے بعد پریس انفارمیشن ڈپارٹمنٹ کی طرف سے جاری کردہ بیان میں بتایاگیا کہ یہ دھماکہ رات نو بج کر پینتیس منٹ پر سنا گیا، اس سے کوئی جانی یا مالی نقصان نہیں ہوا ہے، پولیس کو ایوب پارک کے اندر سے دھماکہ خیز مواد ملا ہے اور وہ اس جگہ کی تلاشی میں مصروف ہیں۔

دھماکے کے تین گھنٹے کے بعد پریس انفارمیشن ڈیپارٹمنٹ کی طرف سے جاری کردہ بیان میں بتایا گہا گیا کہ یہ دھماکہ رات نو بج کر پینتیس منٹ پر سنا گیا، اس سے کوئی جانی یا مالی نقصان نہیں ہوا ہے، پولیس کو ایوب پارک کے اندر سے دھماکہ خیز مواد ملا ہے اور وہ اس جگہ کی تلاشی میں مصروف ہیں

اس سے پہلے فوج کے ترجمان شوکت سلطان نے بیان دیا ہے کہ دھماکے کا صدر مشرف یا آرمی ہاؤس سے کوئی تعلق نہیں۔

وزیرِ مملکت برائے اطلاعات محمد طارق عظیم نے کہا تھا کہ ’یہ ایک چھوٹا دھماکہ تھا اور صدر مشرف کی رہائش گاہ سے تین میل کے فاصلے پر ہوا۔‘

	دھماکے کے فوراً بعد فوج، پولیس اور بم ڈسپوزل سکواڈ نے پارک کے دروازے بند کر کے اسے گھیرے میں لے لیا

کچھ عینی شاہدین کا کہنا تھا کہ انہوں نے فضا سے کوئی چیز پارک میں گرتے دیکھی جس کے بعد زور دار دھماکے ہوئے۔

ڈی آئی جی پولیس نے بتایا ہے کہ پارک کے اندر سے دھماکہ خیز مواد پڑا ملا ہے۔

دھماکوں کے فوراً بعد فوج، پولیس اور بم ڈسپوزل سکواڈ نے پارک کے دروازے بند کر کے اسے گھیرے میں لے لیا اور پارک کے اندر موجود لوگوں کو باہر جانے اور باہر موجود لوگوں کو اندر جانے سے روک دیا۔

تاہم ڈیڑھ گھنٹے بعد پارک کے اندر موجود لوگوں کو باہر جانے کی اجازت دے گئی۔

دھماکوں کے فوراً بعد ارد گرد کی سڑکوں پر ٹریفک جام ہوگیا اور لوگوں کی بڑی تعداد وہاں جمع ہوگئی۔دھماکوں کے ڈیڑھ گھنٹے بعد ایدھی سروس کی چند ایمبولنسیں پارک کے اندر داخل ہوئیں۔