اب تک ملنے والی تفصیلات کے مطابق دھماکہ ایوب پارک میں بدھ کی رات کو نو بجے کے قریب ہوا ہے۔ خبر رساں ادارے رائٹر کے مطابق پاکستان کے وزیرِ داخلہ آفتاب احمد شیر پاؤ نے اس دھماکے کی تصدیق کی ہے۔

ان کا کہنا ہے کہ ’اس سلسلے میں پولیس بیان جاری کرے گی لیکن اس کا صدر مشرف یا آرمی ہاؤں سے کوئی تعلق نہیں ہے‘۔

اسلام آباد میں ہمارے نامہ نگار کے مطابق پاکستان کے وزیرِ مملکت برائے اطلاعات محمد طارق عظیم نے کہا ہے کہ ’یہ ایک چھوٹا دھماکہ تھا اور صدر مشرف کی رہائش گاہ سے تین میل کے فاصلے پر ہوا ہے‘۔

خبر رساں ادارے اے پی کا کہنا ہے کہ پولیس اور سیکیورٹی کے دوسرے اداروں نے ایوب پارک کا محاصرہ کرلیا ہے۔