عدنان عادل بی بی سی اردوڈاٹ کام، لاہور

	عوامی تحریک کو مجلسِ عمل کے مطابق تین ماہ میں نقطہ عروج تک پہنچایا جائے گا

اے آر ڈی میں ایم ایم اے اور دیگر

انہوں نے کہا کہ اس تحریک کا ایک اور مقصد امریکی استعمار کے بڑھتے ہوئے اثر و رسوخ کو روکنا ہے۔ مولانا فضل الرحمن نے کہا کہ ملک کی خود مختاری اور وقار کو امریکی استعمار کے ہاتھ میں دے دیاگیا ہے۔

انہوں نے کہا کہ ان کا اتحاد ملک میں ہر سطح پر اجتماعات منقعد کرے گا اور رابطہ عوام مہم چلا کر عومی بیداری پیدا کرے گا۔

مجلس عمل کے سکریٹری جنرل نے کہا اس ضمن میں پانچ مئی کو کوئٹہ میں جلسہ عام منعقد کیا جائے گا اور ملک بھر میں ایران اور فلسطین سے یکجہتی کا اظہار کیا جائے گا۔

مجلس عمل بارہ ربیع الاول کے موقع پر نشتر پارک کراچی میں ہونے والی ہلاکتوں پر بارہ مئی کو احتجاج بھی کرے گی۔

مجلس عمل کے رہنما نے کہا کہ وہ حزب اختلاف کی دوسری جماعتوں کو ساتھ لے کر چلیں گے۔

مجلس عمل نے پیر کو ہونے والے اجلاس میں اپنے منشور پر نظر ثانی کے لیے اور سینیٹ میں قائد حزب اختلاف کے تقرر پر دوسری جماعتوں سے بات چیت کے لیے کمیٹیاں بنانے کا فیصلہ بھی کیا۔

چھ رکنی متحدہ مجلس عمل کی رکن جماعتوں میں جماعت اسلامی، جمعیت العلمائے اسلام (فضل الرحمن گروپ)، تحریک اسلامی، مرکزی جمعیت اہل حدیث، جمعیت علمائے پاکستان (نورانی) اور جمعیت العلمائے اسلام (عبدالرحیم نقشبندی گروپ) شامل ہیں۔