اس فورم میں وزیر اعظم شوکت عزیز نے معاشی ترقی کے روڈ میپ کے اہم نکات بیان کیے

شوکت عزیز ملائشیا میں ورلڈ اسلامک اکنامک فورم سے خطاب کر رہے تھے۔

انہوں نے کہا کہ اگرچہ بہت سے ممالک قدرتی ذخائر کی دولت سے مالا مال ہیں لیکن اس کے باوجود چالیس فیصد مسلمان ابھی بھی غربت کی لکیر سے نیچے زندگی گزار رہے ہیں۔

انہوں نے کہا کہ مسلم امہ کو جس سب سے بڑے چیلنج کا سامنا ہے وہ دہشت گردی اور مسلمانوں کے رشتے سے متعلق عام تاثر ہے۔ اس تاثر کوصرف اسی صورت میں ختم کیا جاسکتا ہے کہ اسلامی دنیا اپنی حیثیت کو منوائے اور اپنے لوگوں کا معیار زندگی بلند کرے۔

اس فورم میں وزیر اعظم شوکت عزیز نے معاشی ترقی کے روڈ میپ کے اہم نکات بیان کیے۔ اس روڈ میپ میں بنیادی اصلاحات، بہتر نظام حکومت، اور تعلیم کے لیے زیادہ ذرائع کا استعمال شامل ہیں۔

تین روزہ یہ اکنامک فورم اسلامی کانفرنس کی تنظیم نے ترتیب دیاہے۔ اس فورم کا مقصد مسلم دنیاکو درپیش معاشی چلینجوں کے بارے میں بات چیت کرناہے۔