الطاف حسین، ریاض مسرور بی بی سی اُردو ڈاٹ کام، سرینگر

	پیپلز ڈیموکریٹک پارٹی نے زمین کے منتقلی کی منسوخی کے مطالبے پر اقتدار سے الگ ہو چکی ہے

دوسری جانب ریاست کے وزير اعلی غلام بنی آزاد نے اتوار کو سرینگر میں نامہ نگاروں کو بتایا کہ ابھی تک شرائین بورڈ کو باضباطہ طور طور زمین منتقل نہيں کی جاسکتی تھی اور نہ ہی بورڈ نے اس کے پیسے دیے تھے۔’دراصل کابینہ کے فیصلہ کا کبھی نفاذ ہوہی نہیں سکا تھا اور جب کابینہ کی میٹنگ ہوگی تو زمین منتقلی کی منسوخی کا فیصلہ باضابطہ طور پر کیا جائے گا۔‘

تاہم وزیر اعلی غلام بنی آزاد نے شرائین بورڈ کے تحلیل کیے جانے کا سختی سے انکار کیا۔ ان کا کہنا تھا کہ شرائین بورڈ کا وجود باقی ہے اور اب اس کا کام صرف امرناتھ گپھا میں پوجاپاٹھ تک محدود رہے گا۔

وزیر اعلی کے مطابق جمعہ کو گورنر این این بھورا نے صوبائي حکومت سے ایک تحریری خط لکھ کر پوچھا تھا کہ آیا حکومت امرناتھ یاتری کی کا مکمل انتظام کر سکتی ہے تو جس پر انہوں نے فوری آمادگی کا اظہار کیا۔

شرائین بورڈ کو تحلیل نہیں کیا گيا ہے اور شرائین بورڈ کا وجود باقی ہے اور اب اس کا کام صرف امرناتھ گپھا میں پوجاپاٹھ تک محدود رہے گا غلام بنی آزاد، وزیر اعلی

تاہم حکومتی اقدامات کے باوجود وادی میں کشیدگی میں کوئی کمی واقع نہیں ہوئی ہے اور تشدد کے امکانات کے پیش نظر شہری علاقوں میں کرفیو نافذ کردیا گیا ہے۔

علیحدگی پسند رہنماؤں اور شرائین بورڈ کو زمین منتقلی کی مخالفت کر رہے ایکشن کمیٹی ایگینسٹ لینڈ ٹرانسفر یا ’اکالٹ‘ نے اس اعلان کو ’بھونڈا مذاق‘ قرار دیتے ہوئے احتجاج جاری رکھنے کا اعلان کیا ہے۔

اتوار کو پوری وادی میں جاری یہ احتجاجی تحریک ساتویں روز میں داخل ہوگئی۔ آج صبح کئی مقامات پر پولیس اور مظاہرین کے درمیان دوبارہ جھڑپیں ہوئیں جس کے بعد سرینگر شہر میں بغیر اعلان کے کرفیو نافذ کردیا گیا ہے۔

واضح رہے شرائن بورڑ کو زمینوں کی منتقلی کے مطالبے پر حکمراں اتحاد ہفتے کو اُس وقت ٹوٹ گیا تھا جب حکومت میں کانگریس کی شریک جماعت پی ڈی پی اقتدار سے الگ ہوگئی۔

واضح رہے ایک ہفتے سے کشمیر میں عام زندگی ٹھپ ہے اور مقامی انتظامیہ مفلوج ہوکر رہ گئی ہے۔ تعلیمی، کاروباری اور سرکاری ادارے بند ہیں اور زندگی کا سارا نظام معطل ہوکر رہ گیا ہے۔ یاد رہے مذکورہ احتجاجی تحریک میں ابھی تک ایک لڑکی سمیت چار افراد ہلاک اور چھہ سو افراد زخمی ہوگئے ہیں

اس دوران علیحدگی پسند رہنما میرواعظ عمر فاروق نے زمین کی منتقلی کا باضابطہ حکمنامہ منسوخ کیے جانے تک احتجاج جاری رہنے کا اعلان کیا ہے۔ اور اتورا کو انہوں نے جلوس نکالے جس میں میں ہزاروں لوگوں نے شرکت کی اور وہ پاکستان، اسلام اور آزادی کے حق میں شدید نعرے بازی کی۔

واضح رہے کہ ایک ہفتے سے کشمیر میں عام زندگی ٹھپ ہے اور مقامی انتظامیہ مفلوج ہوکر رہ گئی ہے۔ تعلیمی، کاروباری اور سرکاری ادارے بند ہیں اور زندگی کا سارا نظام معطل ہوکر رہ گیا ہے۔ یاد رہے مذکورہ احتجاجی تحریک میں ابھی تک ایک لڑکی سمیت چار افراد ہلاک اور چھہ سو افراد زخمی ہوگئے ہیں۔