 | | | | | | | ||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||
|
بھارت:بارشیں جاری،80 سےزائد ہلاک | |||||||||||||||||||||||||||||||||||||||||||||||||||
بھارت کی مختلف ریاستوں میں شدید بارش کی وجہ سے اسّی سے زیادہ افراد ہلاک اور متعدد لاپتہ ہوگئے ہیں۔ سب سے زیادہ ہلاکتیں جنوبی ریاست آندھرا پردیش میں ہوئی ہیں جہاں سینتیس افراد ہلاک ہوئےہیں جبکہ ریاست کرناٹک میں انیس، کیرالہ میں سترہ جبکہ مہاراشٹر میں چودہ افراد مارے گئے ہیں۔ مہاراشٹر کے شہر پونے میں دو مقامات پر دیواریں گرنے کی وجہ سے بارہ افراد حبکہ ممبئی میں ایک مکان کے منہدم ہونے سے دو افراد ہلاک ہوئے۔ کرناٹک کے متاثرہ اضلاع میں بیجا پور، گلبرگ، بغل کوٹ، جنوبی کنٹر، دھارواڑ ارو شیموگل کے علاقے میں شامل ہیں۔ کرناٹک میں بیجا پور کے علاقے میں چھ، رائیچور میں سات، حسن میں تین جبکہ سیموگا اور مدی کیری میں ایک، ایک شخص ہلاک ہوا ہے۔ ریاست اندھرا پردیش میں گزشتہ جمعہ سے زبردست بارش ہو رہی ہے اور محکمۂ موسمیات کے مطابق آئندہ دو روز تک بارش جاری رہ سکتی ہے جبکہ مہاراشٹر اور کیرالہ میں تیز بارش کی وجہ سے بس اور ٹرین کا نظام بری طرح متاثر ہوا ہے۔ ریاست گوا اور آسام میں بارش بھی تیز بارش ہو رہی ہے تاہم ان ریاستوں میں کسی ہلاکت کی کوئي اطلاع نہیں ہے۔ ریاست اندھرا پردیش کے کئی اضلاع میں گاڑیوں اور ٹرینوں کی آمدو رفت بری طرح متاثر ہوئی ہے اور بارش کے سبب متعدد ماہی گیر لاپتہ ہیں۔ ریاست کے وزیرِاعلی راج شیکھر ریڈی نے متاثرہ اضلاع کا فضائی دورہ کیا ہے اور ہلاک ہونےمتاثرہ خاندان کو دو، دو لاکھ روپیہ امداد دینے کا اعلان کیا ہے۔ تیز بارش کی وجہ سے آندھرا پردیش کے کرنول، پراکشم، گنتور اور کرشنا اضلاع سب سے زیادہ متاثر ہوئے ہیں۔ محض کرنول میں ہی 21 افراد کے ہلاک ہونے کی اطلاع ہے۔ یہ ہلاکتیں اس وقت پیش آئیں جب لوگ یا تو بارش کے پانی میں بہہ گئے یا مسلسل بارش ہونے کی وجہ سے ان کے گھر گِر گئے۔ کرشنا کے علاقے میں گزشتہ چوبیس گھنٹوں میں 32 سینٹی میٹر بارش ریکارڈ کی گئی جبکہ گنتور اور پراکشم علاقوں میں پچیس سینٹی میٹر بارش ریکارڈ کی گئی ہے۔ حالات سے نمٹنے اور امدادی کارروائیوں کے لیے فضایہ اور بحریہ کے جوانوں کو تیار رہنے کی ہدایات جاری کی گئی ہیں جبکہ کرنول ضلع میں پولیس کے جوان ابتدائی امدادی کارروائی کے لیے پہنچ گئے ہیں۔ کرنول، کرشنا، گنتور اور پراکشم کے علاقوں سے تقریباً بیس ہزار افراد کو چوّن امدادی کیمپوں میں منتقل کر دیا گیا ہے۔ ریاست کیرالہ میں بھی دو دنوں سے جاری بارش کے سبب شہری زندگی بری طرح متاثر ہو رہی ہے۔ بجلی اور پانی کی دستیابی میں رخنہ پیدا ہورہا ہے اور مسلسل بارش سے متاثرہ سینکڑوں خاندان امدادی کیمپوں میں پناہ گزین ہیں۔ | 
اسی بارے میں  شدید بارشوں سے 45 افراد ہلاک23 June, 2007 | انڈیا موسلادھار بارش سےتیس ہلاک04 July, 2006 | انڈیا گجرات میں بارش، سات ہلاک30 July, 2006 | انڈیا بارش: بڑے پیمانے پر تباہی07 August, 2006 | انڈیا ہندوستان میں جان لیوا بارشیں08 August, 2006 | انڈیا بارش اور گرمی کا قہر 07 July, 2006 | انڈیا ممبئی: تین دن سے لگاتار بارش03 July, 2006 | انڈیا بارش سے کم از کم 30 ارب کا نقصان02 August, 2005 | انڈیا | |||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
