سہراب الدین اور ان کی اہلیہ دونوں ہی فرضی مقابلوں میں مارے گئے

عدالت کا کہنا ہے کہ وہ گجرات سی آئی ڈی کی جانچ سے مطمئن ہے۔ تاہم اس نے سی آئی ڈی انسپکٹر گیتا جوہری کو حکم دیا ہے کہ وہ تفتیش کی رپورٹ براہ راست عدالت کو دیں گي۔

ان سے یہ بھی کہا گیا ہے کہ تفتیش کے عمل میں وہ کسی بھی اعلی افسر کو جوابدہ نہیں ہیں اور اس معاملے کی پوری آزادی کے ساتھ تفتیش کرسکے گیں۔

جعلی پولیس مقابلے: دہلی میں مظاہرہ

دہلی میں جعلی مقابلوں کے خلاف مظاہرہ

فرضی تصادم کا یہ واقعہ نومبر 2005 میں پیش آیا تھا جس میں گجرات اور راجستھان پولیس کے تین اعلیٰ افسران نے سہراب الدین نامی ایک شخص کو لشکرِ طیبہ کا دہشت گرد بتا کر ایک فرضی تصادم میں ہلاک کر دیا تھا۔

گجرات حکومت نے عدالت کو بتایا کہ ان کی بیوی کوثر بی کو بھی چند دن کے بعد جلا کر قتل کر دیا تھا۔ سی آئی ڈی نے تمام متعلقہ پولیس افسروں کے بیانات ویڈیو ٹیپ کیے ہیں۔

تصادم کا واقعہ 2005 میں پیش آیا  فرضی تصادم کا یہ واقعہ نومبر 2005 میں پیش آیا تھا جس میں گجرات اور راجستھان پولیس کے تین اعلیٰ افسران نے سہراب الدین نامی ایک شخص کو لشکرِ طیبہ کا دہشت گرد بتا کر ایک فرضی تصادم میں ہلاک کر دیا تھا۔

سہراب الدین کے بھائي رباب الدین نے سپریم کورٹ میں یہ درخواست کی تھی کہ فرضی تصادم کے اس معاملے کی تفتیش سی بی آئی سے کرائی جائے کیونکہ انہیں گجرات پولیس پر بھروسہ نہیں ہے۔

گجرات حکومت نے سی بی آئی سے جانچ کرانے کی یہ کہہ کر مخالفت کی تھی کہ سی آئی ڈی کی تفتیش اطمینان بخش طریقے سے چل رہی ہے اس لۓ سی بی آئی سے تفتیش کرانے کی ضرورت نہیں ہے۔

سپریم کورٹ کے آج کے فیصلے سے گجرات حکومت نے راحت کی سانس لی ہے کیونکہ سی بی آئی کی تفتیش سے اس کے لئے پیچیدگیاں پیدا ہوسکتی تھیں ۔ اس معاملے میں سیاسی رہنما‎ؤں کے ملوث ہونے کی بھی خبریں ہیں۔

اب تک سی آئی ڈی کی تفتیش میں نہ تو کوثر بی کی لاش کی باقیات برآمد کی جاسکی ہیں اور نہ ہی ملزمان کے بیانات مجسٹریٹ کے سامنے ریکارڈ کیے گۓ ہیں۔