اندرا گاندھی کو ان کے دو سکھ باڈی گارڈز نے ہلاک کیا تھا

تین سال قبل انیس سو ستتر میں اندرا گاندھی کے ملک میں ایمرجنسی لگانے کی وجہ سے انہوں نے عوام کا اعتماد

اندرا گاندھی پر ایک نظر 1966 ۔ جواہر لال نہرو کی موت کے بعد اندرا گاندھی وزیرِ اعظم بنیں۔ 1975 ۔ انتخابات میں دھاندلی ثابت ہونے کے فوراً بعد اندرا گاندھی نے ملک میں ایمرجنسی لگوا دی۔ 1977 ۔ 1975 ۔ اس دوران تقریباً ایک ہزار سے زائد سیاسی مخالف گرفتار کیے گئے اور زبردستی لوگوں پر منصوبہ بندی کا پروگرام نافذ کیا گیا۔ 1977 ۔ اندرا گاندھی کی کانگریس پارٹی کی عام انتخابات میں شکست۔ 1980 ۔ اندرا گاندھی کانگریس (اندرا) جماعت کی انتخابات میں فتح کے بعد دوبارہ اقتدار میں۔ 1980۔ اندرا گاندھی کے چھوٹے بیٹے سنجے گاندھی ایک فضائی حادثے میں ہلاک ہو گئے۔ 1984 ۔ شدت پسند سکھوں کو سکھ مذہب کے مقدس مقام گولڈن ٹیمپل سے نکالنے کے لیے اندرا گاندھی کے حکم پر اس میں فوج داخل ہو گئی۔ 1984 ۔ صرف دو ماہ بعد اندرا گاندھی کے سکھ باڈی گارڈز نے انہیں قتل کر دیا۔ 1991 ۔ اندرا گاندھی کے بڑے بیٹے راجیو گاندھی کو تامل خودکش بمباروں نے ہلاک کر دیا۔ 1998 ۔ راجیو گاندھی کی بیوہ سونیا گاندھی کو کانگریس کا صدر بنایا گیا۔ 2004 ۔ گانگریس نے عام انتخابات میں بی جے پی کو شکست دی۔ اندرا گاندھی اپنے بیٹوں سنجے اور راجیو کے ساتھ: تینوں کسی نہ کسی طرح حادثے کا شکار ہوئے

ان کی کانگریس پارٹی نے عام انتخابات میں لوک سبھا یعنی ایوانِ زیریں کی 525 نشستوں میں سے 351 نشستیں حاصل کیں۔

محترمہ گاندھی کی جیت نے ان کی مخالف جماعتوں کا تقریباً صفایا کر دیا اور نہ جنتا دل اور نہ ہی لوک دل جماعت سرکاری طور پر حزبِ مخالف بننے کے لیے ضروری 54 نشستیں جیت پائیں۔

محترمہ گاندھی نے اس سے قبل انیس سو ستتر تک ہندوستان پر 11 برس تک حکومت کی۔ انتخابات کے دوران ان کا نعرہ تھا ’غربت ہٹاؤ‘ اور ’امن و امان بہتر کرو‘۔

انہوں نے اپنی 63 دن کی انتخابی مہم میں ہر دن بیس کے قریب تقاریر کیں اور 40000 میل تک پھیلے ہوئے 384 انتخابی حلقوں کا دورہ کیا۔

ان کے دورِ اقتدار کے دوران انیس ماہ ایمرجنسی لگی رہی اور اس دوران حزبِ مخالف کے کئی رہنماؤں کو گرفتار کیا گیا اور زبردستی خاندانی منصوبہ بندی کا پروگرام نافذ کرایا گیا۔

اس وقت جب انہوں نے اپنے اقتدار کو قانونی بنانے کے لیے انتخابات کا سہارا لیا تو مورار جی ڈیسائی کی جنتا دل نے انہیں شکست دی۔

اندرا گاندھی کو انیس سو چوراسی میں ان کے دو سکھ باڈی گارڈز نے قتل کر دیا تھا۔ ان کے بعد ان کے بیٹے راجیو وزیرِ اعظم بنے لیکن انہیں بھی تامل خودکش بمباروں نے قتل کر دیا۔