اُوپرا کا ٹی وی شو ہر ہفتے تین کروڑ افراد دیکھتے ہیں

بین الاقوامی تجارتی جریدے فوربز کی طرف سے دنیا کی مقبول ترین شخصیات کی فہرست میں گالف کے کھلاڑی ٹائیگر وڈز دوسرے نمبر پر اور گلوکارہ میڈونا تیسرے نمبر پر ہیں۔

دنیا کے مشہور ترین افراد کی فہرست میں پہلی بیس شخصیات میں برطانیہ کے دی رولنگ اسٹون گروپ کے سر ایٹن جانز اور فٹ بال کے کھلاڑی ڈیوڈ بیکھم بھی شامل ہیں۔

دنیا کی سو مقبول ترین شخصیات کی فہرست ہر سال مرتب کی جاتی ہے اور ان میں شامل کی جانے والی شخصیات کی سالانہ آمدن، دنیا بھر کے نشریاتی اداروں پر ان کو دیا جانے والے وقت اورانٹر نیٹ پر ان کے بارے میں خبروں کو بھی مدنظر رکھا جاتا ہے۔

	میڈونا کا حال ہی میں ہونے والے بین الاقوامی دورہ نہایت کامیاب رہا تھا

فوربز کے ترجمان کے مطابق ونفری اپنی آمدن اور امریکی عوام پر اپنے ٹاک شو کی وجہ سے حاصل اثراو رسوخ کی بنیاد پر اس دنیا کی بیس مقبول ترین افراد میں سرفہرست ہیں۔ انہوں نے کہا کہ اگلے سال امریکہ میں ہونے والے صدارتی انتخابات پر ان کے ٹاک شو کا ممکنہ اثر ہی انہیں پہلے نمبر تک لانے میں کافی تھا۔

ان سو افراد کی فہرست میں ریلیٹی ٹی وی سٹار پیرس ہلٹن جو گزشتہ سال چھپنویں نمبر پر تھیں اس سال کی فہرست تک پہنچنے میں ناکام رہی ہیں۔

میڈونا کا نام گزشتہ سال کی فہرست میں شامل نہیں تھا لیکن اس سال ان کے حالیہ بین الاقوامی دورے نے ان کی آمدن اور مقبولیت میں زبردست اضافہ کیا ہے جس کی وجہ سے اس فہرست میں وہ تیسرانمبر حاصل کرنے میں کامیاب رہی ہیں۔