 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
’جیمز بانڈ‘ اب کرائے کے قاتل | ||||||||||||||||||||||||||||||||||||||||
جیمز بانڈ کے نام سے پہچانے جانے والے پیئرس بروسنن کی تازہ ترین فلم میں ان کا کردار روایتی بانڈ کے کردار سے ہٹ کر ہے۔ اس فلم میں وہ ایک ایسے شخص کا کردار کررہے ہیں جو کہ کرائے کا قاتل ہے اور زندگی کے مسائل کا شکار ہے۔ کردار کی اس تبدیلی کا سہرا فلم ڈائریکٹر رچرڈ شیپرڈ کے سر ہے جن کی فلم ’دی میٹاڈور‘ نے اس آئرش اداکار کو موقع فراہم کیا کہ وہ اپنے روایتی جیمز بانڈ ’کوٹ‘ سے چھٹکارا پاسکیں۔ جیمز بانڈ کا کردار اب اداکار ڈینیئل کریگ کے سپرد کردیا گیا ہے۔ شیپرڈ کا کہنا ہے کہ 52 سالہ بروسنن نے منفی کردار ادا کرنے کے اس موقع کا خیر مقدم کیا ہے اور اس میں وہ زندگی کے ایک نئے رخ کے ساتھ جلوہ گر ہوں گے۔ ان کا کہنا ہے کہ پیئرس بروسنن کو ایک عرصے سے ایسے ہی چیلنجینگ کردار کی تلاش تھی۔ فلم ڈائریکٹر کا کہنا ہے کہ بوسنن کی ایک خوبی یہ ہے کہ وہ ہر طرح کا تجربہ کرنا چاہتے ہیں۔ ’دی میٹا ڈور‘ دس ملین ڈالر کی لاگت سے بنائی جارہی ہے تاہم کہا جارہا ہے کہ ہالی وڈ کی دیگر فلموں کی نسبت یہ فلم بہت کم لاگت میں بنائی جارہی ہے۔ فلم میں اگرچہ کرائے کے قاتل جولین نوبل کو ویانا، لاس ویگاس، ماسکو اور منیلا میں دکھایا گیا ہے تاہم پوری کی پوری فلم کی عکسبندی صرف میکسیکو میں کی گئی ہے۔ یہ فلم تین مارچ کو برطانیہ میں نمائش کے لیئے پیش کی جائے گی۔ |  اسی بارے میں  فرانسیسی اداکارہ بانڈ کی نئی ہیروئن18 February, 2006 | فن فنکار بونڈ کی کار ملین پاؤنڈ میں نیلام 21 January, 2006 | فن فنکار بالی وڈ کی فلم پر آسام میں پابندی10 April, 2005 | فن فنکار ٹرمینیٹر کی ٹکر، پندرہ ٹانکے لگے09 January, 2006 | آس پاس آسکر نامزدگی پر خوش ستارے01 February, 2006 | فن فنکار ’جاز‘ کے مصنف پیٹر بینچلے کا انتقال13 February, 2006 | فن فنکار متنازعہ واقعے پر دو’میونخ‘ فلمیں16 February, 2006 | آس پاس ہالی وڈ، بالی وڈ ساتھ چلیں:وِل سمتھ24 February, 2006 | فن فنکار | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
