علی سلمان، عبادالحق
بی بی سی اردو ڈاٹ کام، لاہور |  |
| | | انتخابات کے بعد تمام جماعتوں سے بات کریں گے:نواز شریف |
مسلم لیگ نواز کے سربراہ نواز شریف کا کہنا ہے کہ اٹھارہ فروری کو جتنا زیادہ ٹرن آؤٹ ہوگا اتنے ہی دھاندلی کے امکانات کم ہو جائیں گے۔ انتخابی مہم کے آخری دن لاہور میں ایک پریس کانفرنس میں انہوں نے کہا کہ عوام انتخابات والے دن ضرور ووٹ ڈالیں۔ نواز شریف نے عوام سے اپیل کی کہ’جس طرح عوام جلسوں میں آتے رہے ہیں اسی طرح پولنگ والے دن ووٹ ڈالنے ضرور جائیں کیونکہ اٹھارہ فروری کا دن تبدیلی کا دن ہے‘۔ ان کے بقول’مسلم لیگ قاف صرف اشتہارات میں نظر آتی ہے اس کی لوگوں کے دلوں میں کوئی جگہ نہیں ہے‘۔ ان کا کہنا تھا کہ پی پی پی کے شریک چئرمین آصف زرداری سے ملاقات کے دوران دونوں جماعتوں نے ان خدشات کا اظہار کیا ہے کہ انتخابات شفاف نہیں ہوں گے۔ ان کے بقول’انتخابات کے بعد انیس یا بیس فروری کو دونوں جماعتوں کا اجلاس ہوگا جس میں انتخابات کے بعد کی صورت حال کے حوالے سے لائحہ عمل ترتیب دیا جائے گا‘۔ نواز شریف نے قومی حکومت کے قیام کے سوال پر کہا کہ انتخابات کے بعد الیکشن میں حصہ لینے اور نہ لینے والی تمام جماعتوں سے بات کریں گے۔ایک سوال کے جواب میں نواز شریف کا کہنا تھا کہ’سیاسی جماعتوں کے درمیان سیٹ ایڈجسٹمنٹ کا سوال ہی نہیں پیدا ہوتا اور سیٹ ایڈجسمنٹ کا وقت ختم ہوگیا‘۔ |   نواز شریف سے ملاقات میں بھی ساتھ چلنے پر بات ہوئی ہے اور یہ کہا گیا ہے جمہوریت کے دائرے میں رہتے ہوئے نظام بدلنے کی کوشش کی جائے گی۔  آصف علی زرداری |
نواز شریف نے سینچر کی رات انتخابی مہم کے آخری چند گھٹنوں میں داتا دربار پر حاضری کے بعد لاہور شہر کے مختلف حلقوں کا دورہ بھی کیا۔ اس سے قبل
سینچر کی دوپہر آصف علی زرداری نے نواز شریف کی رہائش گاہ پر ان سے ملاقات کی تھی جس کے بعد پاکستان پیپلزپارٹی کے شریک چئیرمین آصف زرداری نے کہا تھا کہ نواز شریف سے ملاقات میں بھی ساتھ چلنے پر بات ہوئی ہے اور یہ کہا گیا ہے جمہوریت کے دائرے میں رہتے ہوئے نظام بدلنے کی کوشش کی جائے گی۔ انہوں نے کہا کہ ان انتخابات سے صدر مشرف کے مستقبل کا فیصلہ بھی منسلک ہے اور جہاں تک صدر مشرف کے ساتھ چلنے کا فیصلہ ہے تو پہلے اس ڈگر تک پہنچنا ہے اور اس کے بعد پارٹی یہ فیصلہ کرے گی کہ ان کے بات کرنا ہے یا نہیں؟ البتہ ایک سوال کے جواب میں انہوں نے صدر مشرف کے ساتھ چلنے کو خارج از امکان قرار دینے سے انکار کیا اور کہا کہ ان کی پارٹی نے انہیں بس اتنا ہی مینڈیٹ دیا ہے کہ وہ اس دن کاانتظار کریں جب اس مرحلے تک پہنچ جائیں گے تو فیصلہ پارٹی اجلاس میں کیا جائے گا۔ | 
’دھاندلی پر فوجی امداد کی بندش‘
