دلاور خان وزیر بی بی سی اردو ڈاٹ کام، ڈیرہ اسماعیل خان

	اے این پی کے رہنماؤں پر دو روز قبل بھی ایک حملہ ہوا تھا

مقامی انتظامیہ کا کہنا ہے کہ پیر کو دو بجے کے قریب شمالی وزیرستان کی تحصیل میرعلی کے گاؤں عیدک میں ایک خودکش حملہ آور نے عوامی نیشنل پارٹی کے امیدوار نثار خان کےگاڑی کے ساتھ اپنے آپ کو بارودی دھماکے سے اڑا دیا۔ حکام کے مطابق زخمیوں میں بعض کی حالت تشویش ناک ہے۔

عیدک سے ایک عینی شاہد اور مقامی صحافی احسان نے بی بی سی کو بتایا کہ حملے میں دو اہم شخصیات بھی ہلاک ہوئی ہیں جن میں عوامی نیشنل پارٹی کے سابقہ صدر حاجی انور شاہ اور ملک بخت الدین شامل ہیں۔ انہوں نے کہا کہ حملے میں قومی اسمبلی کے امیدوار نثارخان محفوظ ہے۔

یاد رہے کہ شمالی وزیرستان میں اس پہلے بھی کئی بار خوکش حملے ہوچکے ہیں لیکن عوامی نیشنل پارٹی پر خوکش حملہ اپنی نوعیت کا پہلا حملہ ہے اس سے دو دن پہلے چارسدہ کے گاؤں شبقدر میں بھی عومی نیشنل پارٹی پر حملہ ہوا تھا جس کے نتیجہ میں کافی جانی نقصان ہوا تھا۔