عبدالحئی کاکڑ بی بی سی اردوڈاٹ کام، پشاور

	رضاکار چارسدہ بم دھماکے میں زخمی ہونے ایک شخص کو ہسپتال لے جا رہے ہیں

شاہد حسین کے بقول تلاوت کے دوران انہوں نے تصاویر لینے کے لیے اپنا موبائل فون نکالا تو ان کے آگے ایک شخص آیا جسے انہوں نے راستے سے ہٹنے کو کہا مگر اس شخص نے زبان سے کچھ کہنے کی بجائے نفی میں سر ہلا دیا۔

شاہد حسین کے مطابق’ میں نے دوبارہ اس شخص کو راستے سے ہٹنے کو کہا مگر اس نے پھر سر ہلا کر انکار کیا۔باقی لوگوں نے بھی ان سے یہی تقاضہ کیا۔’کچھ دیر بعد وہ شخص جو بظٌاہر چالیس سال سے زیادہ معلوم ہورہا تھا اٹھا اور اسٹیج کی طرف گیا۔اس دوران ایک زور دار دھماکہ ہوا جس کے بعد میں اپنے ہوش و حواس کھوبیھٹا۔‘

حسین خان کا کہنا ہے کہ وہ وثوق سے نہیں کہہ سکتے کہ دھماکہ اس شخص نے ہی کیا ہوگا۔

ایک اور شخص ناصر کا کہنا تھا کہ وہ دھماکے سے دس گز کے فاصلے پر تھے اور جونہی دھماکہ ہوا تو زمین لرز سی گئی اورانہیں بالکل راستہ سجھائی نہیں دے رہا تھا۔’میں نے دیکھا کہ لوگ بھاگ رہے ہیں جبکہ آس پاس لاشیں پڑی ہوئی تھییں اور بعض زخمیوں کے کراہنے کی آوازیں آرہی تھیں۔‘