ఎలక్ట్రిక్ బైక్, ల్యాప్‌టాప్, మొబైల్‌ ఫోన్‌ బ్యాటరీలు పేలకుండా ఉండాలంటే ఇలా చేయండి

2022, ఏప్రిల్ 18న ఆంధ్రప్రదేశ్‌లోని కడప జిల్లాలో ల్యాప్‌టాప్‌లో మంటలు చెలరేగి ఓ సాఫ్ట్‌వేర్ ఉద్యోగినికి తీవ్ర గాయాలయ్యాయి. చికిత్స పొందుతు ఆమె నిన్న (22.04.2022) చనిపోయారు. మరోవైపు విజయవాడలో తాజాగా ఎలక్ట్రిక్ బైక్ పేలి ఒకరు మరణించారు.

2021 డిసెంబర్‌లో మధ్యప్రదేశ్‌లో ఆన్‌లైన్ క్లాసులు వింటుండగా మొబైల్ ఫోన్ పేలి ఓ విద్యార్థికి తీవ్ర గాయాలయ్యాయి.

2021 ఆగస్టులో రాజస్థాన్‌లో ఇయర్ ఫోన్ పేలి 28 ఏళ్ల యువకుడు మృతి చెందాడు.

2021 జులైలో గుజరాత్‌లో చార్జింగ్ పెడుతుండగా మొబైల్ ఫోన్ పేలి 17 ఏళ్ల యువతి చనిపోయింది.

75 కోట్ల స్మార్ట్ ఫోన్ వినియోగదారులున్న భారత్‌లో ఇలా స్మార్ట్ ఫోన్లు, ల్యాప్ టాప్‌ల్లో బ్యాటరీలు పేలి కొందరు ప్రాణాలు కోల్పోవడం... మరి కొందరు తీవ్ర గాయాల పాలవడంపై చర్చ జరుగుతోంది.

ఇంతకీ ల్యాప్ ట్యాప్‌లు, స్మార్ట్ ఫోన్లు ఎందుకు పేలిపోతుంటాయి..? వాటిని ఎలా కాపాడుకోవాలి?

అన్ని కంపెనీల ఫోన్లూ ఇలానే..

ఈ కంపెనీ ఆ కంపెనీ అని లేదు... దాదాపు అన్ని ప్రముఖ కంపెనీల ఫోన్లు, కార్ల విషయంలో ఈ సమస్య ప్రపంచవ్యాప్తంగా తలెత్తుతునే ఉంది.

ద మొబైల్ ఇండియన్ డాట్‌కామ్ వెబ్‌సైట్ అందించిన వివరాల ప్రకారం 2021 సంవత్సరంలో భారత్‌లో వన్ ప్లస్ నార్డ్ టు, సామ్ సంగ్ గెలాక్సీ ఎ 21, ఒప్పొ ఎ 53, వివో వై 20, షియోమీ రెడ్ మీ నోట్ 9 ప్రో - ప్రో మ్యాక్స్ , రెడ్ మీ 8, పొకొ సీ 3, పొకొ ఎక్స్ 3, పొకొ ఎం 3 ఇలా వివిధ కంపెనీలకు చెందిన ఫోన్లు వివిధ సందర్భాల్లో పేలిపోవడం లేదా కాలిపోవడం జరిగింది.

మొబైల్ ఫోన్లు, ల్యాప్‌టాప్‌లు ఎందుకు పేలుతాయి?

ఇందుకు కారణాలు చాలా ఉన్నాయి. మనం ఇప్పుడు వాటిని ఒక్కొక్కటిగా చూద్దాం.

ల్యాప్‌ట్యాప్ - మొబైల్ ఫోన్ పేలకుండా ఉండాలంటే ఏం చెయ్యాలి?

ఈ కనీస జాగ్రత్తలు పాటిస్తూ మొబైల్, ల్యాప్ ట్యాప్‌లను ఉపయోగిస్తే ప్రమాదలకు వీలైనంత దూరంగా మనం ఉండవచ్చు.

బైక్‌లు ఎందుకు పేలుతున్నాయి?

బైక్‌లలోని లిథియం అయాన్ బ్యాటరీల్లో రెండు ఎలక్ట్రిక్ టెర్మినళ్లు ఉంటాయి. వీటి మధ్య ఎలక్ట్రోలైట్ ద్రావణం ఉంటుంది.

బ్యాటరీని చార్జింగ్ పెట్టినప్పుడు దీనిలో ఆవేశపూరిత అయాన్లు ఒక ఎలక్ట్రోడ్ నుంచి మరొక ఎలక్ట్రోడ్‌కు ప్రయాణిస్తుంటాయి. అయితే, ఈ ఎలక్ట్రోడ్‌ల మధ్య ఉండే ఎలక్ట్రోలైట్ ద్రావణం వల్ల అగ్ని ప్రమాదాలు జరిగే ముప్పుంటుంది. అది కూడా అరుదుగా జరుగుతుంటుంది.

ముఖ్యంగా బ్యాటరీ దెబ్బ తిన్నప్పుడు, విపరీతంగా వేడెక్కినప్పుడు ఇలాంటి ప్రమాదాలు జరిగే ముప్పుంటుంది.

గతంలో ఇలాంటి ఘటనలు ఎప్పుడెప్పుడు జరిగాయి?

టెస్లా కార్ల విషయంలోనూ ఇలాంటి పరిస్థితే ఎదురయ్యింది. ఆ బ్రాండ్‌కి చెందిన మోడల్ ఎస్ కారు షాంఘైలో ఓ పార్కింగ్ గ్యారేజీలో ఉండగా ప్రమాదం జరిగింది. తర్వాత ప్రమాదం వెనుక కారణాలను అన్వేషించిన కంపెనీ వాహనం ముందు భాగంలో సింగిల్ బ్యాటరీ మాడ్యూల్ ఉండటం వల్లే ఈ ప్రమాదం జరిగిందని ప్రకటించింది.

ఉత్పత్తులను డిజైన్ చెయ్యడంలో తయారీదారులు తగినంత సమయాన్ని తీసుకోవడం లేదని, అలాగే ప్రభుత్వం నిర్దేశించిన పరీక్షా ప్రమాణాలు నిజ జీవితంలో ఎదురయ్యే అన్ని రకాల పరిస్థితులకు తగినట్టు లేవని ఇటీవల ఘటనలపై స్పందిస్తూ ఏథర్ ఎనర్జీ ఫౌండర్ తరుణ్ మెహతా మీడియాతో అన్నట్లు ఇండియన్ ఎక్స్ ప్రెస్ వెబ్ సైట్ తెలిపింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)