స్క్విడ్ గేమ్ స్ఫూర్తితో ట్రాఫిక్ రూల్స్, రోడ్డు భద్రతపై ముంబయి పోలీసుల వినూత్న ప్రయత్నం

స్క్విడ్ గేమ్‌లో ఓ దృశ్యం

ఫొటో సోర్స్, NETFLIX

ఫొటో క్యాప్షన్, స్క్విడ్ గేమ్‌లో ఓ దృశ్యం

ఈమధ్యే నెట్‌ఫ్లిక్స్‌లో విడుదలైన కొరియన్ డ్రామా సిరీస్ 'స్క్విడ్ గేమ్' స్ఫూర్తితో ముంబయి పోలీసులు రోడ్డు భద్రతకు సంబంధించి ఓ సందేశాన్ని సోషల్ మీడియాలో షేర్ చేసారు.

ఈ సిరీస్‌లో కొందరు వ్యక్తులు చిన్నపిల్లలు ఆడే గేమ్స్ ఆడుతుంటారు. మొదటి గేమ్‌లో ఒక పెద్ద బొమ్మ "రెడ్ లైట్", "గ్రీన్ లైట్" అని అరుస్తూ ఉంటుంది. 'రెడ్ లైట్' అని చెప్పిన తరువాత కదిలే ఆటగాళ్లు ప్రాణాలు కోల్పోతారు.

ఈ గేమ్‌ను రోడ్డు ప్రమాదాల గురించి చెప్పేందుకు అనుగుణంగా వాడుకున్నారు ముంబయి పోలీసులు.

స్క్విడ్ గేమ్‌లో వచ్చే ఆట వీడియో క్లిప్‌ను ఇన్‌స్టాగ్రాంలో పోస్ట్ చేసి.."ఈ ఆటలో రోడ్డు మీద మీరే 'ఫ్రంట్‌మ్యాన్'. మిమ్మల్ని మీరే కాపాడుకోవచ్చు. రెడ్ లైట్ల దగ్గర ఆగండి" అనే సందేశాన్ని జతచేశారు.

ముంబయి పోలీసుల పోస్టు విపరీతంగా వైరల్ అయింది. లక్షల్లో వ్యూస్ వచ్చాయి. ఇది చాలా తెలివైన ఆలోచన అంటూ నెటిజన్లు ప్రశంసల వర్షం కురిపిస్తున్నారు.

"సీసీటీవీ కెమేరాలకు బదులు ఈ బొమ్మ పెట్టండి.. అందరూ ట్రాఫిల్ నియమాలు కచ్చితంగా పాటిస్తారు" అంటూ ఒక యూజర్ కామెంట్ చేశారు.

స్క్విడ్ గేమ్ సిరీస్ సూపర్ హిట్ అయింది. ఇందులో చిన్నపిల్లల ఆటలా కనిపించే ఈ ప్రాణాంతకమైన ఆటను ఒక బృందం ఆడుతూ ఉంటుంది.

ఇది విడుదలైన తొలి 28 రోజుల్లోనే ప్రపంచవ్యాప్తంగా సుమారు 11 కోట్ల మంది వీక్షించారు.

Skip ఎక్కువమంది చదివినవి and continue reading
ఎక్కువమంది చదివినవి

End of ఎక్కువమంది చదివినవి

పోస్ట్‌ Instagram స్కిప్ చేయండి
Instagram ఈ సమాచారాన్ని చూడాలనుకుంటున్నారా?

ఈ కథనంలో Instagram అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు Instagram కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of Instagram ముగిసింది

ముంబయి పోలీసులు ట్రెండ్‌ను పట్టుకున్నారు. ట్రాఫిక్ నియమాలు, రహదారి భద్రతల గురించి హెచ్చరించేందుకు ఈ సిరీస్‌లో ఆటను బాగా ఉపయోగించుకున్నారు.

గతంలో కూడా ముంబయ్ పోలీసు శాఖ, టీవీ షోలను వినియోగించి భద్రతా సందేశాలను పంచుకున్న దాఖలాలు ఉన్నాయి.

పాపులర్ అమెరికన్ సిట్‌కామ్, ఫ్రెండ్స్, హ్యారీ పోటర్, రాపర్ డ్రేక్ ఆరవ స్టూడియో ఆల్బమ్, సర్టిఫైడ్ లవ్ బాన్‌తో సహా అనేక భారతీయ చలనచిత్రాలు, టీవీ షోలలోని క్లిప్స్ ఉపయోగించి ట్రాఫిక్ నియమాల గురించి, కోవిడ్ వ్యాప్తి, వ్యాక్సినేషన్ గురించి సందేశాలు షేర్ చేశారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి)