జితేంద్ర, హేమమాలిని... మధ్యలో ధర్మేంద్ర

ఈరోజు బాలీవుడ్ డ్రీమ్ గర్ల్ హేమమాలిని పుట్టినరోజు. అక్టోబరు 16, 1948న జన్మించిన హేమమాలిని తన నటనతో, అందంతో, నృత్యంతో ఎంతో మంది అభిమానులను సంపాదించుకున్నారు.

2000వ సంవత్సరంలో భారత ప్రభుత్వం నుంచి పద్మశ్రీ పురస్కారాన్ని అందుకున్నారు. 2003-09 మధ్య కాలంలో బీజేపీ తరపున రాజ్యసభ సభ్యురాలిగా కూడా ఉన్నారు.

ధర్మేంద్ర-హేమమాలినిల పెళ్లి ఎలా జరిగింది?

ధర్మేంద్ర, హేమమాలినిల వివాహం జరిగిన తీరు చాలా ఆసక్తి రేపుతుంది. నిజానికి ఆ రోజుల్లో హేమమాలిని జితేంద్రను ప్రేమించారట. అయితే సంజీవ్ కుమార్, ధర్మేంద్రలు కూడా ఈ డ్రీమ్ గర్ల్‌ని పెళ్లి చేసుకోవాలని తహతహలాడేవారట.

జితేంద్ర, హేమమాలినిలు వివాహం చేసుకోవడానికి సిద్ధమయ్యారని, దీనికోసం వారు మద్రాస్ వెళ్లారని కూడా అప్పట్లో ప్రచారం జరిగింది.

అప్పటికే జితేంద్ర.. శోభ (జితేంద్ర భార్య)తో ప్రేమలో ఉన్నారు. ఈ విషయం తెలుసుకున్న ధర్మేంద్ర శోభని తీసుకుని మద్రాస్ వచ్చారు. శోభ ఒత్తిడితో జితేంద్ర, హేమల పెళ్లి ఆగిపోయింది.

ఆ తర్వాత కొంతకాలానికి ధర్మేంద్ర, హేమమాలినిలు పెళ్లితో ఒక్కటయ్యారు. అయితే ధర్మేంద్రకి అప్పటికే వివాహం కావడం, హిందూ మత ఆచారాల ప్రకారం రెండో పెళ్లి చేసుకోవడం కుదరకపోవడంతో ధర్మేంద్ర ఇస్లాంని స్వీకరించారు. ఆ తర్వాతే హేమను పెళ్లిచేసుకున్నారు.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)