Putin akubali kusitisha mashambulizi kwenye miundombinu ya nishati ya Ukraine kwa siku 30 kwa masharti
Putin ameunga mkono wazo la Trump kwa Ukraine na Urusi kuacha kushambulia miundombinu ya nishati kwa siku 30, huku akiweka masharti ya kutekeleza hilo, taarifa ya Kremlin imeeleza.
Muhtasari
- Putin akubali kusitisha mashambulizi kwenye miundombinu ya nishati ya Ukraine, kwa masharti
- M23 inasema haitarejea Doha ikiwa kanuni zote za mazungumzo hazitazingatiwa'
- Trump asema Hamas lazima 'ikabiliwe na kuangamizwa'
- Waokoaji nchini Nigeria wanawafuta makumi ya watu waliopotea baada ya boti kupinduka
- Kuwait: Watu 23 wafariki dunia baada ya kunywa pombe 'alaq' inayotengenezwa nyumbani
- Watu kumi wauawa katika mashambulizi ya Urusi dhidi ya Ukraine, maafisa wasema
- Kesi ya Uhaini dhidi ya Tundu Lissu yazuiwa kurushwa mubashara
- Jeshi la Sudan linawatesa watu hadi kufa - Shirika la kutetea haki za binadamu
- Myanmar kufanya uchaguzi mkuu wa kwanza tangu mapinduzi ya 2021
- Urusi yashambulia miji kadhaa ya Ukraine saa chache kabla ya mkutano wa Trump
- Zelensky, Viongozi wa Ulaya kukutana na Trump; Huu ndio ujumbe wanaotaka kumpa Trump
- M23 yawasilisha makubaliano yake ya kufikia amani na DR Congo kwa Qatar
- Maandamano makubwa yafanyika Israel wakidai makubaliano ya kuachiliwa kwa mateka
- Trump asema 'Ukraine haitaweza "kujiunga na NATO,' huku Zelensky akijiandaa kufika Ikulu
Moja kwa moja
Na Asha Juma na Dinah gahamanyi
Putin akubali kusitisha mashambulizi kwenye miundombinu ya nishati ya Ukraine, Kremlin yasema
Chanzo cha picha, Reuters
Putin ameunga mkono wazo la Trump kwa Ukraine na Urusi kuacha kushambulia miundombinu ya nishati kwa siku 30, Kremlin ilisema katika usomaji wake wa wito wa viongozi.
Urusi imeharibu mara kwa mara gridi ya nishati ya Ukraine tangu uvamizi wake mnamo Februari 2022.
Hata hivyo Baadhi ya watu barani Ulaya walikuwa wameonya dhidi ya hatua ya Trump ya kuzungumza na Putin, wakisema majaribio yote ya awali ya kupendekeza usitishaji mapigano kwa muda yalitumiwa na Putin.
Wanahofia kwamba Trump ana hatari ya kuzidiwa ujanja na afisa huyo wa zamani wa ujasusi wa KGB ambaye ana tajriba ya miongo kadhaa kujaribu kulaghai viongozi wa kimataifa.
Kremlin iliongeza mstari wa mwisho ambao wakosoaji wataitafsiri kama jaribio la kukejeli matarajio ya Trump ya kumaliza vita mara moja huku ikionyesha Kyiv kwamba Washington inashirikiana na Moscow kumaliza kutengwa kwake kimataifa.
Ingawa Putin alithibitisha kwa Trump "kujitolea kwake kwa kanuni" kwa azimio la amani, pia alielezea masharti ya Urusi, taarifa kutoka Kremlin inasema
Haya ndio masharti aliyoyaweka Putin:
- Taarifa ya Kremlin inasema Putin alimwambia Trump "sharti muhimu" la kuzuia kuongezeka kwa mzozo "inapaswa kuwepo kwa kukomesha kabisa msaada wa kijeshi wa kigeni na kushiriki habari za kijasusi na Kyiv"
- Putin pia alizungumza juu ya "haja ya kukomesha uhamasishaji wa kulazimishwa nchini Ukraine na wanajeshi wa Ukraine waweke chini silaha"
- Suluhu yoyote "inapaswa kuwa ngumu, thabiti na ya muda mrefu " na lazima "izingatie hitaji kamili la kuondoa sababu za mzozo", taarifa hiyo inasomeka.
- Ni lazima pia kuzingatia "maslahi halali ya Urusi katika eneo la usalama"
Soma zaidi:
M23 inasema haitarejea Doha ikiwa kanuni zote hazitazingatiwa'
Chanzo cha picha, AFP via Getty
Maelezo ya picha, Mjumbe Mkuu wa Rais wa DRC, Sumbu Sita Mambu (kushoto) na Katibu Mtendaji wa M23, Benjamin Mbonimpa, baada ya kutia saini kanuni za kumaliza vita huko Doha, Qatar, mwezi uliopita. Kundi la waasi la M23 linalopigana na serikali ya Jamhuri ya Kidemokrasia ya Kongo linasema kuwa halitarejea tena katika mazungumzo ya amani huko Doha, Qatar, isipokuwa kanuni za kumaliza vita hazitazingatiwa kikamilifu, taarifa ambayo jeshi la Kongo linasema si ya kweli.
Katika taarifa iliyotolewa Jumapili, serikali ya DRC ilisisitiza uungaji mkono wake kwa "mazungumzo ya kujenga yanayotokana na tangazo la kanuni" yaliyotiwa saini mjini Doha mwezi uliopita, yenye lengo la kumaliza vita vilivyoendelea tangu mwishoni mwa 2021 katika eneo lenye utajiri wa madini mashariki mwa DRC.
Aliongeza kuwa amejitolea kuheshimu mamlaka ya nchi hiyo na kutokiukwa kwa eneo lake, kama ilivyoainishwa katika katiba, na kurejesha amani ya kudumu na "kupunguza mateso ya watu wa Kongo, haswa mashariki mwa nchi hiyo".
Hapo awali, pande hizo mbili zilitarajiwa kufikia makubaliano ya amani kabla ya Agosti 17 (8), kama ilivyoelezwa katika maandishi ya kanuni.
Alishutumu upande wa serikali kwa kutoheshimu vifungu hivyo ikiwa ni pamoja na kifungu cha "amani ya kudumu" kilichomo katika kanuni hizo na kuendelea kuwashambulia M23. Alisema: "Kinshasa haitaki amani."
Aliongeza kuwa M23 imezingatia matakwa yake ya "kujenga imani" kati ya pande hizo mbili, akiishutumu Kinshasa kwa kutoheshimu matakwa ya kanuni hizo, ikiwa ni pamoja na hatua za kujenga imani.
Alipoulizwa kama anajua ni lini M23 itarejea kwenye mazungumzo ya Doha, Kanyuka alisema: "Hatuna muda [wa kuhudhuria]. Yote inategemea Kinshasa."
Habari za BBC Gahuzamiryango alimtaka msemaji wa Jeshi la DRC (FARDC), Meja Jenerali Sylvain Ekenge, kutoa maoni yake kuhusu madai hayo ya M23, akisema: "Tayari tumejibu madai haya ya uongo."
Pia unaweza kusoma:
Trump asema Hamas lazima 'ikabiliwe na kuangamizwa'
Chanzo cha picha, EPA
Rais wa Marekani Donald Trump amesema kuwa mateka wanaoshikiliwa huko Gaza hawataachiliwa isipokuwa Hamas "itakabiliwa na kuangamizwa"
Katika ujumbe wake alioutuma kwenye jukwaa lake la Ukweli wa Jamii, Trump linaonekana kuunga mkono mpango wa Israel wa kupanua vita ili kujumuisha mji wa Gaza.
Aliandika: "Hatutaona kurejea kwa mateka waliosalia hadi Hamas ikabiliwe na kuangamizwa. Kadiri tunavyofanya hivi, ndivyo uwezekano wa kufaulu unavyoongezeka."
"Kumbuka, nilifanya mazungumzo na kuwaachilia mamia ya mateka, na waliachiliwa kwa Israeli na Marekani," Trump alisema.
Lakini, idadi ya watu walioachiliwa katika makubaliano ya kusitisha mapigano wakati wa Januari na Machi 2025 ilikuwa mateka 30 - raia 20 wa Israeli, wanajeshi watano, na raia watano wa Thailand - na miili ya mateka wanane wa Israeli waliouawa.
Hamas pia iliachilia mateka mwingine, raia wa Marekani na Israel, Mei 2025, kama "ishara" kwa Marekani.
Trump alimalizia kwa kusema, "Nilimaliza vita sita katika muda wa miezi sita tu. Niliharibu vifaa vya nyuklia vya Iran. Ni ama Cheza kushinda, au usicheze kabisa."
Soma zaidi:
Waokoaji nchini Nigeria wanawafuta makumi ya watu waliopotea baada ya boti kupinduka
Chanzo cha picha, Nema
Maelezo ya picha, Wapiga mbizi wamekwenda mtoni kujaribu kutafuta abiria waliopotea Wafanyakazi wa huduma ya uokoaji kaskazini mwa Nigeria wanawasaka zaidi ya abiria 40 waliotoweka baada ya ajali ya boti katika jimbo la Sokoto, mamlaka imesema.
Shirika la Kitaifa la Usimamizi wa Dharura (Nema) lilisema mashua hiyo ilikuwa imebeba zaidi ya watu 50 kuelekea kwenye soko la ndani ilipopinduka katika Mto Goronyo siku ya Jumapili.
Afisa mmoja wa Sokoto aliiambia BBC kuwa watu wanne wamepatikana wakiwa hai. Nema ilisema "inaongeza juhudi pamoja na mamlaka za mitaa kuwatafuta [wale] ambao bado hawajulikani."
Ajali za boti hutokea mara kwa mara nchini Nigeria kutokana na msongamano wa watu, boti zisizotunzwa vizuri na kushindwa kutekeleza kanuni za usalama.
Mnamo Desemba 2024, miili 54 ilipatikana kutoka Mto Niger baada ya mashua ambayo huenda ilikuwa na zaidi ya abiria 200 kupinduka.
Mwezi mmoja kabla, mtumbwi wa mbao, uliokuwa na abiria karibu 300, ulipinduka na kuzama katikati ya Niger na kuua karibu watu 200.
Katika ajali nyingine iliyopata tahadhari kubwa, zaidi ya watu 100 walikufa maji miaka miwili iliyopita katika eneo la kusini-magharibi mwa nchi hiyo.
Kuwait: Watu 23 wafariki dunia baada ya kunywa pombe ya 'alaq' inayotengenezwa nyumbani
Chanzo cha picha, Getty Images
Kuwait imewakamata watu 67 wanaotuhumiwa kutengeneza na kusambaza pombe inayotengenezwa nchini ambayo ambayo imeua watu 23 katika siku za hivi karibuni, Wizara ya Mambo ya Ndani ilisema.
Kuwait imepiga marufuku uingizaji au uzalishaji wa ndani wa pombe, lakini baadhi ya watu na makampuni hutengeneza vilevi kinyume cha sheria katika maeneo ya siri bila udhibiti wowote wa ubora au ukaguzi.
Wizara ilichapisha taarifa kwenye mtandao wa X.com ikieleza kuwa imekamata viwanda sita na vingine vinne vilivyoko katika makazi ya watu.
Wizara ya afya ilisema Alhamisi kwamba visa vya unywaji sumu vinavyohusishwa na vinywaji visivyo na viwango vimeongezeka hadi 160, na vifo 23.
Waliokufa wengi wao walikuwa watu wa asili ya Asia.
Unaweza pia kusoma:
Watu kumi wauawa katika mashambulizi ya Urusi dhidi ya Ukraine, maafisa wasema
Chanzo cha picha, Getty Images
Zelensky amelaani kama hatua ya "makusudi" ya Putin "kuendeleza shinikizo kwa Ukraine" na "kufedhehesha juhudi za kidiplomasia".
Jeshi la anga la Ukraine linasema Urusi ilirusha ndege 140 zisizo na rubani na kurusha makombora manne usiku kucha, na 88 kati ya droni hizo zilidunguliwa.
Katika bandari ya Bahari Nyeusi ya Odesa, kituo cha miundombinu ya mafuta na nishati kilipigwa katika shambulio ambalo Zelensky anasema lililenga uhuru na mahusiano ya nishati ya Ukraine, ikizingatiwa kuwa kituo hicho kinamilikiwa na kampuni ya Azerbaijan.
Shambulizi lingine liliwauwa watu watatu na kuwajeruhi wengine 23 katika mji wa Zaporizhzhia, ambao nimji mkuu mkoa Ivan Fedorov anasema.
Kharkiv pia ilIpigwa usiku kucha ambapo ndege isiyo na rubani kwenye eneo la makazi iliuwaua watu saba akiwemo mtoto mchanga wa miezi 18 na mwenye mwingine umri wa miaka 16, mkuu wa mkoa Oleh Syniehubov anasema.
Soma zaidi:
Utendaji wa wafanyakazi wa umma Kenya kufuatiliwa kwa njia ya App
Chanzo cha picha, Getty Images
Serikali nchini Kenya inaandaa maombi ya kufuatilia utendaji na ufanisi wa watumishi wote wa umma, Katibu wa Baraza la Mawaziri la Utumishi wa Umma Geoffrey Ruku ameripotiwa na vyombo vya habari akisema.
Programu hiyo itafuatilia saa za kuwasili na kuondoka kwa wafanyakazi, likizo, na mahudhurio ya wakati halisi, waziri amesema.
Hatua hii inalenga kuongeza ufanisi, uwajibikaji, na uwazi katika ofisi zote za serikali.
"Lazima tuinue viwango vyetu ili kuwahudumia watu vyema," Ruku aliwaambia wafanyakazi katika makao makuu ya Kanda ya Mashariki katika Mji wa Embu siku ya Jumatatu. "Kuchelewa na uzembe hautavumiliwa tena katika ofisi za serikali."
"Watu katika sekta ya kibinafsi… wanaelewa kuwa mafanikio yanahitaji kufanya kazi kwa bidii. Watumishi wa umma lazima watekeleze hilo ikiwa tuna nia ya dhati kuhusu mabadiliko ya kitaifa," Ruku alisema.
Kesi ya Uhaini dhidi ya Tundu Lissu yazuiwa kurushwa mubashara, Na Humphrey Mgonja
Chanzo cha picha, Getty Images
Kesi ya uhaini inayomkabili Mwenyekiti wa Chadema, Tundu Lissu, imezuiwa kurushwa mubashara au kuchapishwa taarifa za ushahidi baada ya Mahakama kutoa agizo maalum la kulinda mashahidi wa siri wa kiraia.
Akisoma uamuzi huo leo, Hakimu Mkazi Mfawidhi wa Mahakama ya Kisutu, Franko Kiswaga, amesema zuio hilo limetolewa kwa mujibu wa maelekezo ya Mahakama Kuu. Ameeleza kuwa taarifa za mwenendo wa shauri hilo zitasomewa mahakamani hadharani, lakini utambulisho wa mashahidi wa siri utafichwa.
Hakimu Kiswaga pia ameiagiza Ofisi ya Mkurugenzi wa Mashtaka (DPP) kuhariri taarifa za uwasilishaji wa shauri hilo ili kuhakikisha majina na maelezo yanayoweza kumtambulisha shahidi hayatajwe. Ameongeza kuwa mtu yeyote ikiwemo vyombo vya habari atakayetaka kuchapisha taarifa zinazohusu mashahidi atalazimika kupata kibali maalum, vinginevyo hatua kali za kisheria zitachukuliwa dhidi ya atakayekiuka.
Katika hatua ya leo, Lissu atasomewa taarifa za mwenendo wa upelekeaji shauri hilo Mahakama Kuu, bila kuhitajika kujibu chochote kwa sasa.
Hata hivyo, nje ya mwenendo wa shauri, viongozi wa Chadema wamelalamikia utaratibu wa ulinzi wa mahakama, wakidai kuwa kulikuwa na idadi kubwa ya watu waliovaa kiraia ndani ya chumba cha mahakama ambao wanaamini ni askari polisi.
Lissu anakabiliwa na mashtaka ya uhaini ambayo, endapo atatiwa hatiani, adhabu yake ni hukumu ya kifo. Mpaka sasa amekaa rumande kwa zaidi ya miezi mitatu akisubiri mwenendo wa shauri kupelekwa Mahakama Kuu.
Unaweza pia kusoma:
Jeshi la Sudan linawatesa watu hadi kufa - Shirika la kutetea haki za binadamu
Chanzo cha picha, Avaaz via Getty Images
Shirika maarufu la kutetea haki za binadamu nchini Sudan limeshutumu jeshi la nchi hiyo na vikosi vya usalama kwa kuwatesa watu hadi kuwaua pamoja na kuwa na "vyumba vya kufanya mauaji".
Kundi la Wanasheria wa Dharura lilisema lina taarifa za mamia ya watu waliokamatwa katika mji mkuu Khartoum.
Ilisema kuwa katika hali mbaya zaidi, baadhi ya walioshikiliwa baadaye walipatikana wakiwa wamekufa na ushahidi unaonyesha waliteswa.
Jeshi la Sudan liliuteka tena mji huo kutoka kwa wanajeshi wa Rapid Support Forces (RSF) mnamo mwezi Machi, ambapo wanapigana vita vikali vya wenyewe kwa wenyewe ambavyo vimeua makumi ya maelfu katika kipindi cha miaka miwili.
Jeshi halikujibu ombi la BBC la kutoa maoni yake siku ya Jumapili.
Soma zaidi:
Myanmar inayokumbwa na vita kufanya uchaguzi mkuu wa kwanza tangu mapinduzi ya 2021
Chanzo cha picha, Reuters
Myanmar itaanza uchaguzi wake mkuu mnamo mwezi Desemba 28, serikali yake ya kijeshi ilitangaza, katika kura ya maoni ambayo wengi wameishutumu wakisema ni kisingizio na itatumika kuongeza muda wa serikali ya kijeshi madarakani.
Hii itakuwa kura ya kwanza tangu serikali ya kijeshi kuchukua madaraka katika mapinduzi ya umwagaji damu mnamo 2021, na kumtia gerezani kiongozi aliyechaguliwa kidemokrasia Aung San Sung Kyi.
Myanmar imetumbukia katika vita vya wenyewe kwa wenyewe huku kukiwa na mapigano makali kati ya wanajeshi na makundi ya kikabila yenye silaha, ambao wengi wao wamesema hawataruhusu upigaji kura katika maeneo yao.
Mipango ya awali ya kufanya uchaguzi ilicheleweshwa mara kwa mara huku jeshi likijitahidi kuzuia uasi wa upinzani ambao umepata udhibiti wa sehemu kubwa ya nchi na hilo litafanya uchaguzi huu kuwa zoezi gumu kwa watawala wa kijeshi wa nchi hiyo.
Lakini kiongozi Min Aung Hlaing, ambaye aliongoza mapinduzi mabaya miaka minne na nusu iliyopita, amesema ni lazima upigaji kura uendelee, na ametishia adhabu kali kwa yeyote atakayekosoa au kukwamisha uchaguzi huo.
Soma zaidi:
Urusi yashambulia miji kadhaa ya Ukraine saa chache kabla ya mkutano wa Trump
Chanzo cha picha, t.me/synegubov
Mashambulizi mabaya ya Urusi katika mji wa Ukraine na miji mingine yaliendelea kushuhudiwa ikiwa imesalia masaa kadhaa kabla ya mkutano wa wa Volodymyr Zelensky na Donald Trump huko Washington.
Katika mji wa kaskazini mashariki mwa Kharkiv, watu wasiopungua wanne wakiwemo mtoto wamekufa wakati ndege isiyo na rubani ya Urusi iliposhambulia eneo la ghorofa, Meya wa jiji hilo Ihor Terekhov alisema.
Sehemu ya jengo imeanguka na watu zaidi inahofiwa wako chini ya vifusi.
Katika mkoa wa Zaporizhzhia, mtu mmoja alikufa na sita kujeruhiwa ikiwa ni pamoja na watoto wawili katika shambulio la Urusi kwa kutumia mabomu ya glide, mkuu wa utawala wa mkoa Ivan Fedorov amesema.
Soma zaidi:
Zelensky, Viongozi wa Ulaya kukutana na Trump; Huu ndio ujumbe wanaotaka kumpa Trump
Chanzo cha picha, Ludovic Marin/Pool via REUTERS
Na Sammy Awami
Leo rais wa Ukraine Volodymyr Zelensky atakuwa na mkutano na rais wa Marekani Donald Trump huko Washington nchini Marekani.
Mkutano huu unakuja siku chache tu baada ya Trump kukutana na Rais Vladimir Putin wa Urusi, uliofanyika jimbo la Alaska nchini Marekani.
Lakini Zelensky hatakuwa peke yake katika mkutano huo. Atasindikizwa na viongozi wa Uingereza, Ufaransa, Ujerumani, Italia, Finland, Kamisheni ya Ulaya na Nato.
Hatua ya viongozi hao wa nchi za Ulaya kuambatana na Zelensky si ya kawaida na si bahati mbaya pia. Wanalenga kutuma ujumbe mzito kwa Trump na serikali yake lakini pia kwa Putin.
Ni kweli Trump amefanya jitihada kubwa za kutaka kumaliza vita kati ya Urusi na Ukraine, lakini Zelensky na viongozi wa Ulaya wana wasiwasi kwamba amekuwa na huruma kwa Putin na kwamba anaweza kuingia katika mtego wa kumpa rais huyo wa Urusi kile anachokitaka.
Pamoja na kutaka hakikisho kwamba Ukraine haitajiunga na Nato, kutokuendelea kusaidiwa kijeshi na Ulaya na madai mengine, Putin anataka apewe maeneo kadhaa ya upande wa Mashariki ya Ukraine ambayo anadai kihistoria yalikuwa ni ya Urusi.
Lakini Ukraine na Ulaya inakataa matakwa hayo na kusema kumpa Putin hayo maeneo ili asimamishe vita ni sawa na kumzawadia mchokozi na mvamizi.
Lakini wanahoji pia kwamba Putin akipewa hayo maeneo kuna uwezekano mkubwa kwamba siku za usoni akataka kupewa maeneo mengine zaidi.
Kwa hivyo ujumbe wa kwanza wa Umoja wa Ulaya kuambatana na Zelensky ni kumwambia Trump; "Usimzawadie Putin kwa uchokozi alioufanya".
Ujumbe wa pili watakaoupeleka ni kwamba wanataka hakikisho la Marekani na wajibu wake katika kuhakikisha Putin hatavamia tena Ukraine muda mfupi baada ya kusitishwa kwa vita vinavyoendelea sasa.
Huko nyuma, Ukraine na Urusi walisaini mikataba kadhaa ya kuishi kwa amani, ujirani mwema na kuheshimu mipaka ya kila nchi. Hata hivyo, muda mfupi baadae Urusi ilivunja mikataba hiyo na kufanya vurugu na hata kuchukua baadhi ya maeneo ya Ukraine kinyume na mikataba waliyokuwa wamesaini.
Hivyo Umoja wa Ulaya na Zelensky wanataka kumwambia Trump kwamba Urusi haaminiki na tungependa kupata hakikisho la Marekani kwamba itakuwepo kutusaidia kupambana na Putin pale atakapovunja makubaliano ya amani yatakayosainiwa hapo baadae.
Ujumbe mwingine wa muhimu ambao viongozi hao wa Ulaya na Zelensky wanatumaini kumpa Trump ni kwamba wanaitazama vita ya Urusi na Ukraine kuwa ni vita ya Ulaya.
Wao wanaamini kwamba Putin asipodhibitiwa vya kutosha basi hatoishia kuvamia Ukraine tu, bali ataendelea kuvamia nchi zingine pia za Ulaya, hasa zile zinazopakana na Urusi kama vile Poland, Finland na Estonia.
Kwa maneno mengine, Ulaya inataka kumwambia Trump kwamba wao hawako tayari kumlegezea Putin katika madai yake na kwamba makubaliano yoyote yatakayofanyika sasa kumaliza vita hiyo ya Urusi na Ukraine yatakuwa na matokeo hasi au chanya ya moja kwa moja kwa nchi za Ulaya.
Katika mazingira ambayo Trump ameonekana kumuelewa Putin na madai yake, viongozi hawa wa Ulaya na Zelensky wanakwenda kumuona Trump wakiwa na wasiwasi mkubwa ikiwa watafanikiwa kumshawishi pia ili aegemee upande wao pia.
Soma zaidi:
M23 yawasilisha makubaliano yake ya kufikia amani na DR Congo kwa Qatar
Chanzo cha picha, AFP
Msemaji wa waasi wa M23 ameiambia BBC kwamba wameonyesha wako tayari kuhakikisha amani ya kudumu hii ikitokea kabla ya tarehe ya mwisho iliyowekwa ya Agosti 18, 2025 kwa makubaliano ya amani kufikiwa kati ya Jamhuri ya Kidemokrasi ya Congo na kundi la M23.
Oscar Balinda alisema kundi hilo tayari limechukua hatua na kuwasilisha makubaliano yake ya kufikia amani na DR Congo kwa Qatar, mpatanishi anayeongoza mchakato wa amani wa Doha unaoendelea.
"Tumefanya kila kitu kinachohitajika kwetu, na sasa tunangojea serikali kuchukua hatua ili suluhisho lifikiwe," alisema.
Aliongeza kuwa wanataka kuona nia njema kutoka kwa serikali pia, wakisema kuwa waasi walikuwa wameachilia karibu wanajeshi 1,400 ambao wamerudi kwa familia zao huko Kinshasa na kwengineko.
Serikali, hata hivyo, inaendelea kuwazuia wanachama zaidi ya 700 wa M23 katika magereza mbalimbali nchini humo.
"Ikiwa tumekubali kutekeleza mpango wa amani, basi sote tuonyeshe utayari. Kwa mfano, tuliondoa vikosi vyetu kutoka eneo la Walikale, Kivu Kaskazini, kama ishara ya nia njema - na hiyo ilikuwa sehemu ya makubaliano yetu makubwa," ameongeza.
Hata hivyo, serikali ya DRC bado haijajibu madai ya hivi karibuni ya M23.
Taarifa ya Bw Balinda inawadia wakati ripoti zikiibuka kuwa wapatanishi huko Qatar wametoa makubaliano ya amani ya serikali ya DRC na kundi la waasi linaloungwa mkono na Rwanda la M23, katika nia ya kumaliza vita ambavyo vimedumu kwa miaka kadhaa katika mkoa wa mashariki.
Serikali ya Congo na M23 walitia saini azimio la pamoja huko Qatar mnamo Julai 19, wakiahidi kukubaliana kufikia Agosti 18.
Kulingana na AFP, afisa wa Qatar alisema Jumapili kwamba pande zote mbili zimeonyesha nia njema kwa mpatanishi na utayari wa kuendelea na mazungumzo.
"Tunatambua changamoto zilizopo na tunatumai kuwa wanaweza kuzishinda kupitia mazungumzo na kujitolea kwa kweli," afisa huyo alisema.
Mapema mwaka huu, waasi wa M23 waliteka miji muhimu ya Goma na Bukavu kuanzisha tawala za mitaa.
Mashirika ya kutoa misaada yanasema kuingiliwa kwa haraka kwa maeneo hayo kumezidi ukosefu wa usalama na kusababisha mapungufu ya bidhaa zinzohitajika na familia zilizohamishwa kutoka makazi yao.
DRC kwa muda mrefu imeshutumu Rwanda jirani yake kwa kuunga mkono M23, madai ambayo Rwanda inakanusha.
Mzozo huo umechochea mvutano wa kikanda huku washirika wa kimataifa wakihimiza pande zote mbili kujizuia.
Soma zaidi:
Maandamano makubwa yafanyika Israel wakidai makubaliano ya kuachiliwa kwa mateka
Chanzo cha picha, Getty Images
Mamia kwa maelfu ya watu wamekusanyika nchini Israel kutoa wito wa kusitishwa kwa vita vya Gaza na kufikiwa kwa makubaliano ya kuhakikisha kuachiliwa kwa mateka wanaoshikiliwa na Hamas.
Umati mkubwa wa watu ulionekana katika uwanja wa "Hostages Square" wa Tel Aviv siku ya Jumapili, huku waandaaji wakisema mipango ya serikali ya kuutwaa mji wa Gaza inahatarisha maisha ya karibu mateka 20 ambao bado wanazuiliwa na Hamas.
Maandamano ya kitaifa ya siku moja - sehemu ya maandamano makubwa - barabara zilizofungwa, ofisi na vyuo vikuu katika baadhi ya maeneo. Karibu watu 40 walikamatwa wakati wa mchana.
Waziri Mkuu wa Israel Benjamin Netanyahu alikosoa maandamano hayo akisema "yatazidisha misimamo ya Hamas" na yatapunguza kasi ya kuachiliwa kwa mateka hao.
Soma zaidi:
Trump asema 'Ukraine haitaweza kujiunga na NATO,' huku Zelensky akijiandaa kufika Ikulu
Chanzo cha picha, EPA
Rais wa Marekani Donald Trump amesema rais wa Ukraine anaweza kumaliza vita vya Urusi "ikiwa anataka" kufanya hivyo, lakini "Ukraine haitaweza kujiunga na NATO" kama sehemu ya makubaliano ya amani.
Saa chache kabla ya kuwa mwenyeji wa Volodymyr Zelensky katika Ikulu ya White House, Trump pia alisema rasi ya Crimea "haitarudishwa tena", ambayo Moscow ilinyakua kinyume cha sheria mwaka 2014, miaka minane kabla ya kuanzisha uvamizi wake.
Hii inafuatia mkutano wa kilele wa Trump na kiongozi wa Urusi Vladimir Putin huko Alaska ambao ulisababisha rais huyo wa Marekani kutupilia mbali ombi la kusitishwa kwa mapigano na badala yake akataka makubaliano ya amani ya kudumu.
Mjumbe wa Marekani alisema siku ya Jumapili kwamba Putin alikubali uwezekano wa makubaliano ya usalama kama ya Nato kwa Ukraine.
Rais wa Urusi amekuwa akipinga mara kwa mara wazo la Ukraine kujiunga na muungano huo wa kijeshi.
Katika ujumbe wake kwenye jukwaa la Truth Social siku ya Jumapili usiku, Trump alisema: "Rais Zelenskyy wa Ukraine anaweza kumaliza vita na Urusi mara moja, ikiwa anataka kufanya hivyo, au anaweza kuendelea kupigana.
"Kumbuka jinsi ilivyoanza. Hakuna kupata tena Crimea iliyochukuliwa wakati wa Obama (miaka 12 iliyopita, bila hata risasi kufyatuliwa!), na UKRAINE HAITAWEZA KUINGIA NATO. Mambo mengine hayabadiliki!!!" Trump aliongeza.
Kabla ya Trump kurejea madarakani mwezi Januari, nchi za Nato zilikubaliana juu ya "mwelekeo usioweza kubadilika" wa Kyiv kuwa mwanachama katika muungano huo.
Katibu Mkuu wa Nato Mark Rutte, pamoja na viongozi wa Ulaya akiwemo Waziri Mkuu wa Uingereza Sir Keir Starmer, wataungana na Zelensky mjini Washington kwa mazungumzo kuhusu mustakabali wa Ukraine leo Jumatatu.
Soma zaidi:
Hujambo na karibu katika matangazo yetu ya moja kwa moja ikiwa ni taraehe 18/08/2025
