Kugandisha yai: Janga hili lilinifanya nifikirie kuhusu uzazi

Hadi hivi majuzi, Lynsey Beckett hakuwa na wasiwasi sana kuhusu uzazi wake.

Lakini mnamo Aprili 2022, aligandisha baadhi ya mayai yake.

"Dakika moja nilikuwa na umri wa miaka 31 na nikawa na muda wote huu, kisha Covid akaja," anaelezea.

"Ilihisi kana kwamba wakati ulikuwa umetoweka."

Lynsey, asiye na mume na asili yake ni Ireland Kaskazini, sasa anaishi London na anafanya kazi katika rasilimali watu.

Aliamua kupimwa uwezo wake wa kuzaa.

Ingawa matokeo yake yalikuwa mazuri, alitaka kulinda ubora wa mayai yake iwapo angewahi kuyahitaji katika siku zijazo.

Uamuzi huo, kwa kiasi fulani, ulikusudiwa kumpa wakati wa kuzingatia kazi yake, na kuondoa shinikizo kwenye uhusiano wa siku zijazo.

"Sichumbiani na mtu kutafuta mtoaji wa manii".

Matumizi ya kugandisha yai nchini Uingereza yameongezeka mara kumi katika kipindi cha miaka 10, kutoka chini ya mizunguko 230 ya matibabu mwaka wa 2009, hadi karibu 2,400 mwaka wa 2019. Ingawa nambari hizi zinasalia ndogo ikilinganishwa na IVF ya kawaida, zinavyoongezeka.

Vituo vikuu vya uzazi nchini Uingereza vinasema hali hii imeendelea tangu kutokea kwa janga la corona.

Baada ya kugandisha mayai 14, Lynsey alisema: "Wakati watu wanatoa maoni kama," Je, utapata watoto hivi karibuni?

Hilo hunipita sababu ninahisi nimetulia zaidi. Sichumbii kutafuta mtoaji wa manii."

Idara ya Afya ya taifa Uingereza (NHS ) hufadhili kugandisha yai kwa sababu fulani tu za matibabu, kwa mfano kabla ya matibabu ya saratani.

Mzunguko wa kugandisha yai unahusisha kuchukua dawa ili kuongeza uzalishaji wa mayai yako.

Baadaye hukusanywa ukiwa umepewa dawa ya kuondoa fahamu ama kidogo au kabisa, na kugandishwa kwa matumizi ya baadaye.

Hata hivyo, Lynsey hakuhitimu kupata matibabu kwenye NHS na alitumia akiba yake kufadhili mchakato huo.

Kama utaratibu wowote wa matibabu, kunaweza kuwa na athari mbaya.

Lynsey alipata ugonjwa wa hyperstimulation ya ovari (OHSS) yaaani ni mwitikio wa kupita kiasi kwa homoni zilizozidi kutoka kwa homoni, ambayo ni nadra.

Hii ilisababisha mrundikano wa maji kwenye nyonga yake kabla ya yai kutolewa.

Baadaye, alikuwa na athari za muda mfupi na akasema "ilihusika zaidi kihemko na kimwili kuliko vile nilivyowahi kufikiria".

Uwezo wa kushika mimba hupungua kadiri umri unavyosonga mbele

Mwanamke aliye katika miaka ya mapema hadi katikati ya miaka ya 20 ana nafasi ya 20-25% kila mwezi ya kupata mimba.

Uzazi hupungua katika miaka yote ya uzazi wa mwanamke na hii huharakisha baada ya umri wa miaka 35. Kwa 40, nafasi ya kupata mimba katika mzunguko wowote wa kila mwezi ni karibu 2-5%, na pia kuna nafasi ya kuongezeka kwa mimba, ya karibu 50%.

Licha ya hayo, kulikuwa na karibu watoto 150,000 waliozaliwa mwaka 2020 nchini Uingereza na wanawake zaidi ya 35, kulingana na Ofisi ya Takwimu ya Kitaifa.

Kwa watu wengi, kupata watoto kwa njia ya asili sio chaguo.

Pengine kuna sababu za kimatibabu, hawajakutana na mwenza au wako kwenye uhusiano wa jinsia moja.

Mtaalamu wa masuala ya uzazi Dk Malini Uppal, kutoka Gennett City Fertility, anahimiza watu kujaribu kupata mtoto kwa njia ya kawaida inapowezekana, lakini alisema: "Nina wanawake wanaokuja kutumia mayai yao yaliyogandishwa wanapotaka mtoto wa pili wanapokuwa wakubwa."

Kuongezeka kwa ugandishaji yai la uzazi

Kihistoria teknolojia imekuwa maarufu zaidi nchini Marekani na inatajwa na baadhi ya makampuni kama manufaa ya ajira.

Kampuni kadhaa zenye makao yake Uingereza, zikiwemo NatWest, Centrica na Clifford Chance, zimefuata mkondo huo.

Kupata matibabu sio gharama ya chini.

Lynsey alilipa £5,000 kwa mzunguko mmoja.

Bei ya tathmini ya awali ya uzazi inaweza kugharimu takriban £300-£400.

Mzunguko mmoja wa kugandisha yai unaweza kuwa takriban £4,000 na kisha gharama ya kila mwaka kuweka mayai yagandishwe (tena, kulingana na kliniki) ni takriban £150-£350 kwa mwaka.

Baadhi ya kliniki hutoa punguzo kwa watu walio katika jeshi.

Na kisha kuna swali la ikiwa inafanya kazi.

Viwango vya kufaulu vya kugandisha yai

Mdhibiti wa uzazi Uingereza, Mamlaka ya Kurutubisha Kiinitete (HFEA), hupima mafanikio kulingana na ni viini-tete vingapi (vilivyotengenezwa kutoka kwa mayai yaliyogandishwa ya mgonjwa) husababisha kuzaliwa hai.

Kwa kutumia kipimo hiki, 22% ya matibabu yalifaulu mwaka wa 2019. Ushauri ni - ikiwa kugandisha mayai yako ni jambo unalozingatia, basi mapema itakuwa bora.

Mafanikio yake yanategemea sana umri wa mwanamke wakati wa kugandisha mayai yake, na viwango vya juu vya mafanikio kwa wale wenye umri wa miaka 35 na chini.

Takwimu kutoka kwa HFEA zinaonyesha umri wa kawaida wa kugandisha mayai ni miaka 38.

Katika ripoti ya hivi majuzi, ilisema: "Mwanamke mdogo anapogandisha mayai yake, kuna uwezekano mdogo wa kuyatumia katika matibabu. Hii ni kwa sababu wanawake wengi wana uwezekano wa kuwa na uwezo wa kupata mimba kiasili wanapoamua kuanzisha familia, na kwa kuchagua kugandisha mayai yao wanaweza kuwa wamepitia hatari isiyo ya lazima ya utaratibu wa kuvamia.

Profesa Ying Cheong, mkurugenzi wa matibabu katika Uzazi Kamili, anasema tangu janga hili wanawake zaidi wanakuja wakiwa katika umri mdogo kugandisha mayai yao.

Brittnee Leysen, 28, mzaliwa wa Marekani na sasa anaishi Glasgow, mayai yake yaligandishwa mnamo Juni 2021 baada ya kugundulika kuwa na endometriosis - hali ya uzazi ambapo tishu zinazofanana na safu ya uzazi hukua mahali pengine ndani ya mwili, mara nyingi karibu na viungo vya uzazi.

Brittnee aliolewa katika miaka yake ya 20.

Yeye na mume wake walianza majadiliano kuhusu kupata watoto baada ya kuambiwa kwamba endometriosis ingeathiri sana uwezo wake wa kuzaa.

Alisema madaktari walikuwa wakimtia moyo kupata watoto haraka iwezekanavyo: "Shinikizo linalowekwa kwako, kwenye kazi yako, kwenye mahusiano yako, kwenye uhusiano wako na mwili wako ni kubwa sana. "Hatimaye, ndoa ilisambaratika kwa sababu ya mazungumzo hayo."aliongeza.

Uwezekano wa kufaulu kwa utaratibu unaweza kutegemea ni mayai mangapi yanatolewa.

Brittnee alikuwa na mzunguko mmoja wa matibabu, na mayai matano yalikusanywa.

"Nilijiamini kuwa nitakuwa na namba nzuri... hiyo ni £. 1,000 kwa yai.

"Nilikuwa na matumaini ningepata amani kuhusu uzazi wangu. Ninashukuru na sijutii kufanya hivyo, lakini bado nina wasiwasi kuhusu siku zijazo."

Dr Ippokratis Sarris, mkurugenzi na mshauri wa dawa za uzazi katika Kings Fertility, ambaye ameona ongezeko la maswali ya kugandisha yai, alisema:

"Watu wengi wanakuja wakidhani itakuwa mambo ya bima. Lakini kwa matumaini, kufikia wakati wana mashauriano sahihi na kuyazingatia, wanatambua kuwa sio bima lakini inawezekana ni jambo sahihi kwao."