Putin aapa kuendelea kushambulia gridi ya umeme ya Ukraine

Vladimir Putin ameapa kuendelea kushambulia miundombinu ya nishati ya Ukraine licha ya mamilioni ya watu kuachwa bila umeme wala maji.

"Ndiyo, tunafanya hivyo. Lakini ni nani aliyeanzisha?"

Rais wa Urusi alisema katika hafla ya tuzo huko Kremlin.

Alisema kuwa wakosoaji wa mashambulizi ya Urusi "hawangeingilia misheni yetu ya mapigano".

Moscow imekuwa ikiharibu gridi ya umeme ya Ukraine tangu tarehe 10 Oktoba, kufuatia msururu wa kushindwa kijeshi.

Baadhi ya viongozi wa nchi za Magharibi wameuita mkakati huo kuwa uhalifu wa kivita, kwa sababu ya uharibifu mkubwa unaosababishwa na miundombinu ya kiraia.

Lakini Rais Putin alisema kuwa kuongezeka ukosoaji wa kimataifa hakutakomesha mashambulizi.

"Kuna kelele nyingi kuhusu mashambulizi yetu kwenye miundombinu ya nishati ya nchi jirani. Ndiyo, tunafanya hivyo. Lakini ni nani aliyeianzisha?"

Alisema kwa wapokeaji wa tuzo za serikali, pamoja na medali ya "shujaa wa Urusi".

Alisema shambulizi hilo lilikuwa la kujibu mlipuko kwenye daraja la Urusi hadi kutwaa Crimea tarehe 8 Oktoba.

Pia aliishutumu Ukraine kwa kulipua nyaya za umeme kutoka kwa kinu cha nyuklia cha Kursk na kukata usambazaji wa maji hadi Donetsk mashariki mwa Ukraine.

"Kutosambaza maji kwa jiji la zaidi ya watu milioni moja ni kitendo cha mauaji ya halaiki," Bw Putin alisema, akishutumu Magharibi kwa "kunyamaza kimya kamili" juu ya madai haya na kwa kuwa kinyume na Urusi.

Mwendesha Mashtaka Mkuu wa Ukraine Andriy Kostin alisema mwezi uliopita kwamba mashambulizi ya Urusi dhidi ya miundombinu ya nishati ya Ukraine ni sawa na mauaji ya halaiki.

Rais wa Urusi alisema kwamba wakati Moscow inajibu uchokozi wa Ukraine "kuna ghasia na kelele zinazoenea katika ulimwengu wote".

Ukraine sasa inashuhudia halijoto ya theluji na nyuzijoto iliyo chini ya sufuri katika maeneo mengi, na mamilioni hawana umeme na maji ya bomba, na kuzua hofu kwamba watu wanaweza kufariki kutokana na kupungua kwa joto la mwili.

Nchi hiyo iligeukia kuzima umeme kwa dharura ili kuleta utulivu wa gridi yake ya umeme baada ya wimbi jipya la mashambulizi ya makombora ya Urusi siku ya Jumatatu.

Wataalamu wameiambia BBC kwamba mbinu ya Urusi ya kushambulia miundombinu ya nishati ina uwezekano mkubwa ilibuniwa kuwakatisha tamaa na kuwatia hofu watu, badala ya kupata manufaa yoyote ya kijeshi - hatua ambayo itakiuka sheria za kimataifa.

Moscow imekanusha mara kwa mara madai hayo.